Admin
نوشہروفیروز ( رانا ندیم انجم )
ایس ایس پی نوشہرو فیروز سنگھار ملک نے نوشہرو فیروز کے تین اے ایس آئیز سمیت نو اہلکاروں کو منشیات اور دیگر جرائم میں ملوث ہونے کے الزام میں نوکریوں سے برطرف کر دیا ہے تفصیلات کے مطابق ایس ایس پی نوشہرو فیروز سنگھار ملک نے رشوت خوری بھتہ خوری اور منشیات فروشوں کا ساتھ دینے کے الزام میں تین اے ایس آئیز سمیت نو اہلکاروں کو نوکریوں سے برطرف کر دیا ہے ان اہلکاروں میں اے ایس آئی طوطو ڈھر اے ایس آئی غلام عباس چانڈیو اے ایس ائی صدر برڑو اشرف برڑو محمد لقمان کھوکھر رانو خان اجن کانسٹیبل محمد عرس لنڈ کانسٹیبل ذوالفقار ٹانوری کانسٹیبل اکبر علی تنیو شامل ہیں ایس ایس پی سنگھار ملک نے کہا ہے کہ اہلکار اپنا قبلہ درست کر لیں ورنہ انہیں نوکریون سے ہاتھ دھونے پڑیں گے ایس ایس پی کے اس اقدام سے پولیس میں کھلبلی مچ گئی ہے جب کہ ضلع کے عوامی و سماجی حلقوں نے ایس ایس پی کے اس اقدام کو سراہتے ہوئے کہا ہے کہ پولیس میں موجود کالی بھیڑوں کا صفایا بہت ضروری ہے اور ایسے اقدامات سے پولیس میں موجود کالی بھیڑوں کا صفایا ہو جائے گا اور جرائم کے خاتمے میں بھی مدد ملے گی
