Admin
بھاولپور(میاں میراحمدمستانہ سہروردی سے ) شنگھائی تعاون تنظیم کے سربراہی اجلاس کی بدولت پاکستان کو سفارتی محاذ پر بڑی کامیابی حاصل ہونے کے علاوہ پاکستان میں علاقائی تجارت،امن و استحکام کو فروغ ملے گا جبکہ تنظیم کے رکن ممالک نے اپنی آنے والی نسلوں کے بہتر اور پائیدار مستقبل کیلئے مشترکہ عزم کو اجاگر کیا ہے،شنگھائی تعاون تنظیم اپنے فلسفہ ایک دنیا،ایک خاندان اور ایک مستقبل پر عملدرآمد میں کامیابی حاصل کرلے گی۔اس امر کا اظہار چشتیاں کی سیاسی سماجی کاروباری شخصیات سابق صدر انجمن آڑھتیان غلہ منڈی چشتیاں حاجی حسن محمود،سابق سیکرٹری حاجی محمد ارشد رفیق،معروف صنعتکار حاجی شاہد حنیف،صدر عوامی پریس کلب چشتیاں آصف علی چوہدری،سینئیر صحافیوں محمد یسٰین ظفر، ملک محمد اختر،رانا شاہد عظیم،چوہدری شاہد سرور،میاں محمد اقبال،،چوہدری محمد عرفان،رانا کلیم احمد،چوہدری وحید عالم اور میاں میراحمدمستانہ سہروردی نے اپنے مشترکہ بیان میں صدر مملکت سردار آصف زرداری،وزیر اعظم میاں شہباز شریف،آرمی چیف جنرل عاصم منیر و دیگر اداروں کے سربراہوں کو شنگھائی تعاون تنظیم کے سربراہی اجلاس کے کامیاب انعقاد مبارکباد دیتے ہوئے کہا ہے کہ پاکستان کے وزیر اعظم نے خطے کے اہم اور متحرک ملک کا ثبوت دیتے ہوئے کہا ہے کہ تنظیم کے رکن ممالک باہمی تعلقات کو سیاسی اختلافات سے بالا تر مشترکہ چیلنجز کو حل کرنے اور ترقی و استحکام کیلئے اپنا کردار ادا کریں جبکہ مشرق وسطی میں پائیدار امن کیلئے فلسطینی ریاست کا قیام ناگزیر ہے اور ہمسایہ ملک افغانستان کی ترقی و خوشحالی کیلئے بھرپور تعاون کی ضرورت ہے۔
