Adminسکرنڈ(رپورٹ ولی محمد بھٹی)
ڈپٹی کمشنر شہید بینظیرآباد شہریار گل میمن نے پروجیکٹ ڈائریکٹر اسکارپ امجد علی میمن اور ایکسین ایل بی او ڈی شہاب الدین بھٹی کے ہمراہ گجرا برانچ ڈرین، ایسٹ نواب شاہ ڈرین، ایسٹ نواب شاہ مین ڈرین اور دیگر مختلف سیم اور ڈرینج نالوں کا دورہ کرکے جاری صفائی کے کام کا جائزہ لیا اس موقع پر ڈپٹی کمشنر نے ایل بی او ڈی افسران کو ہدایات دیتے ہوئے کہا کہ سیم اور ڈرین نالوں کی صفائی کے جاری کام کو مزید تیز کیا جائے جن علاقوں میں ابھی تک سیم نالوں کی صفائی کا کام شروع نہیں کیا گیا ہے ان پر بھی خصوصی توجہ دیکر صفائی کا کام شروع کیا جائے انہوں نے مزید کہا کہ ڈرین نالوں کی ڈی سیلٹنگ کے کام پر بھی خصوصی توجہ دی جائے ڈپٹی کمشنر نے مزید کہا کہ سیم نالوں کی صفائی ہونے سے برساتی پانی کے نکاس میں مدد ملے گی اس موقع پر پروجیکٹ ڈائریکٹر اسکارپ امجد علی میمن اور ایکسین ایل بی او ڈی شہاب الدین بھٹی نے سیم نالوں کی صفائی کے جاری کام کے متعلق ڈپٹی کمشنر کو آگاہی دی۔
