Admin
سکرنڈ(رپورٹ ولی محمد بھٹی)
کمشنرشہید بینظیرآباد ڈویژن سید محمد سجاد حیدر کی جانب سے شہید بینظیرآباد ڈویژن کے تینوں اضلاع کی سڑکوں پر بغیر ٹائروں کے گوبل ڈسک ہل کے ساتھ ٹریکٹروں کی آمد رفت پر پابندی عائد تفصیلات کے مطابق کمشنر سید محمد سجاد حیدر نے ایک نوٹیفکیشن جاری کرتے ہوئے شہید بینظیرآباد، سانگھڑ اور نوشہرو فیروز اضلاع میں بغیر ٹائروں کے گوبل ڈسک ہل کے ساتھ ٹریکٹروں کی سڑکوں پر آمد رفت پر دفعہ 144 کے تحت پابندی عائد کی ہے دفعہ 144 کی خلاف ورزی کرنے والوں کے خلاف متعلقہ حدود کے ایس ایچ اوز کو سیکشن 188 پی پی سی کے تحت کاروائی کرنے کا اختیار دیا گیا ہے واضع رہے کہ ڈپٹی کمشنر شہید بینظیرآباد، سانگھڑ اور نوشہرو فیروز کی جانب سے ضلع میں اربوں روپے کی لاگت سے عوام کی سہولت کے لئے نئی تعمیر ہونے والی و مرمت شدہ سڑکوں پر بغیر ٹائروں کے چلنے والے گوبل ہل کے ساتھ ٹریکٹروں کی وجہ سے پہنچنے والے نقصان کو روکنے کے لئے کمشنر شہید بینظیرآباد کو دفعہ 144 نافذ کرنے کی سفارش کی گئی تھی جس کے تحت کمشنر شہید بینظیرآباد ڈویژن نے حکومت سندھ کی جانب سے دئے گئے اختیارات کے تحت پابندی عائد کی ہے۔ کمشنر سید محمد سجاد حیدر نے ایک اور نوٹیفکیشن کے ذریعے علامہ اقبال اوپن یونیورسٹی کے سیمسٹر اسپرنگ کے فائنل امتحانات کے دوران نقل کی روک تھام کے لیے ضلع نوشہرو فیروز کی تحصیل مورو کے تمام امتحانی مراکز میں دفعہ 144 نافذ کیا گیا ہے اس سلسلے میں نقل کی روک تھام اور امیدوار کے علاوہ دیگر شخص کی امتحانی مراکز میں داخلے کو روکنے کے لیے حد کی پولیس کو کاروائی کے اختیارات دئے گئے ہیں۔
