Adminسکرنڈ(رپورٹ ولی محمد بھٹی)
کمشنر شہید بینظیرآباد ڈویژن سید محمد سجاد حیدر نے گذشتہ رات محرم الحرام کے سلسلے میں مختلف ماتمی جلوسوں کے روٹس اور مرتضوی امام بارگاہ، قمر بنی ہاشم اور امام برگاہ حسینیہ سجادیہ کا دورہ کرکے سیکیورٹی، صفائی، روشنی اور دیگر انتظامات کا جائزہ لیا اور منتظمین سے ملاقات کرکے ان سے مسائل معلوم کئے اس موقع پر ڈپٹی کمشنر شہید بینظیرآباد شہریار گل میمن، مئیر قاضی محمد رشید بھٹی، ڈپٹی مئیر مبشر آرائیں، ڈی ایس پی پولیس عبدالحمید جلبانی اور میونسپل کمشنر عبدالرزاق شیخ بھی کمشنر کے ہمراہ تھےاس موقع پر کمشنر نے منتظمین سے بات چیت کرتے ہوئے کہا کہ ڈویژنل اور ضلع انتظامیہ کی جانب سے پولیس کی مدد سے ماتمی جلوسوں اور مجالس کو سیکیورٹی فراہم کرنے کے ساتھ ساتھ عزاداروں کو ہر ممکن سہولیات فراہم کی جارہی ہیں ڈویژن میں امن و امان کی صورتحال اولین ترجیح ہے کمشنر نے مزید کہا کہ کربلا صبر و استقامت کے ساتھ مظلوموں کی حمایت کا درس دیتی ہے اتحاد بین المسلمین کے لیے ہم سب کو مل کر کام کرنا چاہیے تاکہ معاشرے میں بھائی چارے اور امن وامان کو فروغ حاصل ہو جو ملکی ترقی اور استحکام کے لیے ضروری ہے کمشنر نے مزید کہا کہ حسینیت ظالم و ظلم کے خلاف قیام و قربانی اور مظلوم کی حمایت کا درس دیتی ہے فلسفہ شہادت امام حسین ؑ کو سمجھنے کی جتنی ضرورت آج ہے شاید پہلے کبھی نا تھی اس سے قبل کمشنر نے سیف سٹی پولیس لائن کا بھی دورہ کیا اور سی سی ٹی وی کیمروں کے ذریعے شہر کا جائزہ بھی لیا اس موقع پر انچارج سیف سٹی محمود اختر آرائیں نے کمشنر کو ماتمی جلوسوں کی روٹس اور مجالس کی سی سی ٹی وی کیمروں کے ذریعے نگرانی کے متعلق آگاہی دی۔
