Admin
کوریج کرنا صحافی کیلئے جرم بن گیا،مرغی فروش امتیاز میمن کی سینئر صحافی سرفراز نواز کیساتھ بدتمیزی, سنگین نتائج کی دھمکیاں, صحافی برادری کی مذمت
محراب پور(نامہ نگار)کوریج کرنا صحافی کیلئے جرم بن گیا بااثر مرغی فروش امتیاز میمن اپنے ملازم کیساتھ کی جانے والی زیادتیوں کی کوریج پر صحافیوں پر سیخ پا ہوگیا سڑ
ک پر جاتے سینئر صحافی سرفراز نواز کیساتھ مرغی ڈیلر امتیاز میمن کی جانب سے بدتمیزی کی گئی اورسنگین نتائج بھگتنے کی دھمکیاں دی گئی جس پر ضلعی نائب صدر نوشہروفیروز یونین آف جرنلسٹس منور حسین منور ،سینئر نائب صدر محراب پور یونین آف جرنلسٹس کے نائب صدر رانا ندیم انجم ، جنرل سیکریٹری ملک امجد علی ، سینئر صحافی اطہر جوکھیو ، مجاہد سامٹیو،رہنما صحافی اتحاد قاسم شیخ، جنرل سیکریٹری نیشنل پریس کلب احمد ندیم مغل ،اشرف غوری، ناصر اقبال آرائیں نے بھرپور مذمت کرتے ہوئے مرغی فروش امتیاز میمن کی فوری گرفتاری کا مطالبہ کیا صحافی برادری نے سرفراز نواز کے ہمراہ ایس ایچ او محراب پور راجا نوید سرفراز سے ملاقات کرکے امتیاز میمن کیخلاف فریاد داخل کرؤائی اس موقع پر سینئر صحافی سرفراز نواز کا کہنا تھا کہ میں تھانے کے قریب امتیاز میمن کی دکان کے سامنے سے گزر رہا تھا تو اس نے آواز دیکر مجھے متوجہ کیا میں نے اسکی جانب سے دیکھا تو کہنے لگا میری دکان پر آو تاکہ میں تمہیں ماروں میں نے کہا میں کیوں آؤں تو اتنا داداگیر ہے جو راہ جاتے لوگوں کو دھمکیاں دیگا تو امتیاز میمن نے میری مرحومہ والدہ سمیت دیگر کے بارے میں بیہودہ گالیاں دیں جس پر پولیس اسے گرفتار کرے دوسری جانب سے نوشہروفیروز یونین آف جرنلسٹس، محراب پوریونین آف جرنلسٹس، صحافی اتحاد ودیگر تنظیموں کے عہدیداران نے مطالبہ کیا کہ ایسے شخص کو فوری قانون کے کٹہرے میں لایا جائے جو صحافیوں کی آواز کو دبانا چاہتا ہے پہلے ہی سندھ صحافیوں کیلئے مقتل گاہ بن چکی ہے صحافی خود کو غیرمحفوظ تصور کررہے ہیں مگر کوئی صحافی خود کو اکیلا نہ سمجھے تمام صحافتی تنظیمیں اپ کے شانہ بشانہ ساتھ کھڑی ہیں کسی ورکنگ جرنلسٹ کیساتھ زیادتی ہونے نہیں دینگے۔
