Adminمنڈی بہاوالدین ( میاں شریف زاہد )
متحدہ لیبر فیڈریشن پنجاب کمیٹی اور مزدور محاذ کی ہفت روزہ مشاورتی میٹنگ منعقدہ مورخہ 9 اکتوبر 2024ء کی تصویری جھلکیاں اور روداد،
تلاوت کلام پاک سے صدر اجلاس کی اجازت سےکاروائی کا آغاز کیا گیا،
محمد اکبر نے آج ٹریڈ یونینز ایکشن کمیٹی پنجاب کی جناب فاروق طاہر ڈپٹی ڈائریکٹر جنرل آپریشن(EOBI) نارتھ زون گلبرگ لاہور سے کی گئی میٹنگ میں پیش کردہ بیمہ دار ملازمین اور پینشن کی مشکلات اور ریجنل دفاتر کے آفسران کے غیر ذمہ دارانہ رویہ سے متعلق آگاہی دی اور ڈپٹی ڈائریکٹر جنرل صاحب کی طرف سے دی گئی وضاحتی یقین دہانیوں سے آگاہ کیا،
شرکاء اجلاس نے ای او بی آئی کے خلاف قانون اقدامات اور پینشن میں اضافہ کے لئے متحدہ جدوجہد کو آگے بڑھانے کا عہد کیا اور ریجنل دفاتر کے باہر دھرنے اور مظاہروں کے لئے رابطوں کا فیصلہ کیا گیا،
حاجی محمد یونس صاحب ھمدرد فیکٹری کے مزدور راہنما فیکٹری سے ریٹائرڈ 40/42 سال بیمہ دار مدت ملازمت کے بعد 2022ء اور اس کے بعد ریٹائر ہونے والے پنشنرز کی رو داد اور ای او بی آئی(EOBI) کی خلاف قانون بدعملیوں سے آگاہ کرتے ہوئے بتایا کہ جن بیمہ داران کی شیڈول فارمولا پینشن 21000/ ہزار روپے ماہوار بنتی ہے ان کو بھی صرف ساڑھے آٹھ ہزار روپے ۔/ 8500 روپے دے کر کلیم اجراء نمٹا دئے گئے ہیں ظلم یہ ہے کہ کوئی شنوائی نہیں اور EOBI کے ذمہ داران کی کوئی جواب دہی نہیں ہے۔
حاجی صاحب کو ان مسائل کے حل بارے بھرپور تعاون کی یقین دہانی کروائی گئی، اور ٹریڈ یونینز ایکشن کمیٹی کو اور محمد حنیف رامے صاحب کو بھی ان معاملات سے آگاہ کرتے ہوئے کہا جائے گا کہ وہ اس مسئلہ کو آعلی’ سطح پر
اٹھائیں،
اجلاس میں خصوصی طور پر خالد میو صاحب، ن لیگ اور مزدور راہنما نے بھی شرکت فرمائی، انہوں نے مزدوروں کے مسائل سے متعلق بتایا کہ میں نے پارٹی میٹنگ میں اور وزیر محنت صاحب سے بات کی ہم ملازمین، محنت کشوں کو درپیش مسائل و مشکلات سے متعلق وزیر محنت اور وزیر اعلٰی پنجاب کو پیش کر کے باہم تعاون سے حل کروانے کی بھرپور کوشش کریں گے اور مکمل تعاون کی یقین دہانی کرائی،
محمد اکبر نے تمام شرکاء کا شکریہ ادا کرتے ہوئے اجلاس کا اختتام کیا،
مزدور اتحاد۔۔۔ زندہ باد
