Adminننکانہ صاحب (بیورورپورٹ)
لاہور کے نجی کالج میں طالبہ کیساتھ مبینہ زیادتی کی خبر کا معاملہ ضلع ننکانہ صاحب میں بھی نجی کالج کے سٹوڈنٹس کی جانب سے طلبہ کے ساتھ مبینہ زیادتی کے خلاف احتجاج کیا گیا۔اطلاع ملنے پر ڈپٹی کمشنر ننکانہ صاحب محمد تسلیم اختر راو اور اسسٹنٹ کمشنر ننکانہ وجیہہ ثمرین سمیت دیگر افسران بھی موقع پر پہنچ گئے۔ڈپٹی کمشنر کی درخواست اور یقین دہانی پر احتجاجی سٹوڈنٹس نے احتجاج ختم کر دیا۔اس موقع پر ڈپٹی کمشنر ننکانہ صاحب محمد تسلیم اختر راو نے گفتگو کرتے ہوئے کہا کہ سٹوڈنٹس حوصلہ رکھیں ، حکومت انصاف کے تمام تقاضے پورے کرے گی ، معاملے کی اعلی سطح پر تحقیقات جاری ہیں۔انہوں نے کہا کہ وزیر اعلیٰ پنجاب مریم نواز شریف اس معاملے کو خود مانیٹر کر رہی ہیں ، متاثرہ طالبہ اور اسکے والدین نے واضح کیا کہ انکے ساتھ زیادتی کا کوئی واقع پیش نہیں آیا۔ڈپٹی کمشنر نے کہا کہ سوشل میڈیا پر مسلسل جھوٹ پھیلایا جا رہا ہے ، متاثرہ بچی اور اسکے والدین نے پولیس کو درخواست دی ہے کہ اسکا نام جھوٹے واقعے میں ملوث کرنے والے عناصر کیخلاف سائبر کرائم ایکٹ کے تحت مقدمہ درج کیا جائے۔انہوں نے یہ بھی کہا کہ مذکورہ واقع بارے ڈس انفارمیشن اور انتشار پھیلانے والوں کے خلاف انکوائری کیلئے ایف آئی اے نے سائبر کرائم سیل کی 7 رکنی کمیٹی بھی قائم کردی ہے ، جھوٹ پھیلانے والوں کے خلاف سخت قانونی کارروائی عمل میں لائی جائے گی۔انہوں نے مزید کہا کہ کسی بھی فرد کے پاس کوئی انفارمیشن ہے تو آگاہ کریں ، حکومتی ادارے فوری ایکشن لیں گے۔
