Adminننکانہ صاحب (بیورورپورٹ)
ننکانہ صاحب کے علاقہ بچیکی کے راجپوت خاندان سے تعلق رکھنے والے پیپلز پارٹی کے رہنما ءکرنل محمدنثار احمد خاں ( تغمہ ستارہ جرات ) اسلام آباد میں انتقال کر گئے تفصیلات کے مطابق کرنل محمد نثار احمد خاں نے نواں پنڈ سلطان خاں والا موجودہ محمد پورہ ریاست نابھہ پٹیالہ ضلع لدھیانہ میں سردار غلام محمد خان کے گھر آنکھ کھولی۔ انکا گھرانہ پوری ریاست میں ایک متمول خاندان تھا قیام پاکستان کے بعد پاکستان افواج میں کمیشنڈ حاصل کیا۔ کرنل نثار احمد خاں نے فوج میں بطور کرنل اپنی خدمات انجام دیں اور پھر سول سروس میں مختلف عہدوں پر فائز رہے ، کرنل محمد نثار احمد خاں نے اس وقت بہت شہرت حاصل کی جب وہ ڈپٹی کمشنر میانوالی تھے اور کچھ ڈاکو ڈکیتی کے بعد میانوالی میں ایک پٹرول پمپ پر چھپ گئے تھے اور پولیس کے قابو میں نہیںآ رہے تھے تو کرنل نثار احمد خاں نے بذات خود ڈاکوو�¿ں کا مقابلہ کر کے ایک ڈاکو کو خود جہنم واصل کیا اور دیگرملزمان کی گرفتاری میں مرکزی کردار ادا کیا۔ انکی اس بہادری کے تناظر میں حکومت پاکستان نے ان کو تغمہ ستارہ جرات
سے نواز جس کے بعد وہ کمشنر ملتان رہے۔ پھر چیف کمشنر اسلام آباد اور بالآخر وفاقی سیکرٹری پاکستان کی حثیت سے ریٹائرڈ ہوئےمیں انہوں نے 2001میںپیپلز پارٹی کے ٹکٹ پر ننکانہ صاحب سے قومی اسمبلی کے الیکشن میں حصہ لیا مرحوم کی نماز جنازہ آ ج -17اکتوبر 2024بروز جمعرات دوپہر ایک بجے ایچ ایٹ (H-8)سلام آباد کے قبرستان میں ادا کی جائیگی ۔
