Adminتاجر برادری کا محکمہ پبلک ہیلتھ کے انجینئر کیخلاف احتجاج، امکانی بارشوں سے قبل ڈسپوزل پر مشینری انسٹال کرنے کا مطالبہ۔
.نوشہروفیروز۔۔ ضلع بھر میں مون سون کی امکانی بارشوں کے باوجود محکمہ پبلک ہیلتھ۔محرابپور کی جانب سے ساکھانی کھڈ ڈسپوزل سمیت شہر کے دیگر ڈسپوزلز کو اپ گریڈ نہ کئے جانے کیخلاف عمرفاروق مارکیٹ کے تاجروں کا رہنما تاجر ایکشن کمیٹی ظفر اقبال حیدری، سوشل ورکر سید ہمایوں شاہ،حاجی نذیر کمبوہ،محمد جمیل کمبوہ و دیگر کی قیادت میں تنظیم کمبوہاں چوک سے ریلی نکال کر عمرفاروق چوک پر دھرنا دیکر شدید نعرے بازی کی گئی مظاہرین کا کہنا تھا کہ بڑی افسوس ناک صورتحال ہے کہ محکمہ پبلک ہیلتھ کے نااہل افسران مون سون کی بارشوں کی پیشنگوئی کے باوجود آفیسیوں میں بیٹھے اے سی کے مزے لوٹ رہے ہیں گزشتہ بارشوں میں عمرفاروق مارکیٹ کے تاجروں کا کروڑوں روپے کا نقصان ہوا جو صرف محکمہ پبلک ہیلتھ کی نااہلی کا منہ بولتا ثبوت ہے ساکھانی کھڈ ڈسپوزل کو اپ گریڈ کرنے کیلئے نئے ٹرانسفارمرز،موٹریں،پائپ و دیگر ضروری سامان کئی ماہ سے پہنچا ہوا ہے مگر محکمہ کے پاس اسے انسٹال کرنے کا وقت نہیں اگر شدید بارشیں آگئی تو ہماری مارکیٹ تو پھر سے ڈوب جائیگی اسکا ذمہ دار کون ہوگا خدارا مشینری کو فوری انسٹال کرکے تاجروں کی بے چینی دور کی جائے اور شہر کے دیگر ڈسپوزلز پر دھیان دیتے ہوئے ضروری اقدامات کئے جائیں تاکہ پورے شہر کا فائدہ ہو مظاہرین نے دو دن کا الٹیمیٹم دیتے ہوئے کہا کہ اگر فوری طور پر مشینری ڈسپوزل پر انسٹال نہیں کی گئی تو محکمہ پبلک ہیلتھ کیخلاف دمادم مست قلندر ہوگا احتجاج کا دائرہ کار بڑھایا جائیگا۔
