Admin
ایکس ای این نوشہروفیروز تاج محمد ماکو کا مختلف شہروں میں بجلی چوروں اور نادھندگان کیخلاف گرینڈ آپریشن کروڑوں روپے سے زائد کی ریکوری غیر قانونی کنکشن منقطع
نوشہروفیروز( رانا ندیم انجم )سیپکو چیف سکھر کی ہدایت پر سیپکو سب ڈویژن نوشہروفیروز کے ایکس ای این تاج محمد ماکو نے محرابپور،ہالانی،بہلانی،کینڈیارو ،مورو، ودیگر علاقوں میں بجلی چوروں کے گرد گھیرا تنگ کرتے ہوئے سینکڑوں غیر قانونی کنڈا کنکشن منقطع کر دیئے ایکس ای این نوشہروفیروز نے صحافیوں کو بتایاکہ سیپکو چیف سکھر سعید ڈائوچ کی ھدایت پر بجلی چوروں اور نادھندگان بقایاجات والوں کے خلاف آپریش کو تیز کیا گیاہے اور سب ڈویژن محرابپور،مورو،کینڈیارو و دیگر میں اب تک کروڑوں سے زائد کی ریکوری ہوئی ہے جو اب تک کی ریکارڈ ریکوری ہے۔ انہوں نے بتایا کہ مختلف گوٹھوں کے صارف بل ادا نہیں کر رہے ان دیہاتوں کے ٹرانسفارمر بھی اوتار کر تحویل میں لے لیے جائیں گے جبکہ پورے ضلع بھر میں بجلی کی چوری کی روک تھام کے لیے بجلی کے کھمبوں کو سیکور کیا جارہا ہے جبکہ سیپکو کیجانب سے کیس بھی داخل کروائے گئے ہیں۔ ایس ڈی او محراب پور نے کہاکہ واپڈا اہلکاروں کا بھی احتساب کیا جائے گا بجلی چوری میں کوئی بھی واپڈا اہلکار ملوث پایاگیا اسکے خلاف قانونی کاروائی عمل میں لائی جائے گی ۔چاہے وہ کتنا ہی با اثر کیوں نا ہو سزا سے بچ نہیں سکے گا۔
