Admin
نوشہرو فیروز (رانا ندیم انجم)
حکومت سندھ کی جانب سے جبری مشقت، انسانی سمگلنگ کی روک تھام اور متاثرین کی بازیابی کے لیے قائم کردہ ڈسٹرکٹ ویجیلنس کمیٹی کا اجلاس ایڈیشنل ڈپٹی کمشنر نوشہرو فیروز لیاقت علی لنڈ کی زیر صدارت ان کے دفتر میں منعقد ہوا۔ ایڈیشنل ڈپٹی کمشنر نے کہا کہ سندھ حکومت نے بچوں سے جبری مشقت اور انسانی سمگلنگ کی روک تھام کے لیے قانون بنایا ہے جس پر عمل درآمد ہر صورت میں کیا جائے گا، متعلقہ محکموں کے حکام اور سماجی تنظیموں کے نمائندوں کو اقدامات کرنے کی ہدایت کی۔
انسانی سمگلنگ اور بچوں سے جبری مشقت کی روک تھام کے لیے حکومت کے بنائے گئے قوانین کے بارے میں معلومات فراہم کرنے کے لیے انہوں نے مزدور تنظیموں کے ساتھ مل کر مزدوروں کی فلاح و بہبود اور تحفظ کے لیے موجودہ حکومتی قوانین اور مراعات کے بارے میں بھی معلومات فراہم کرنے کی ہدایت کی۔ ان کے حقوق کے بارے میں معلومات حاصل کرنے کے لیے یہ کمیٹی ایس ایس پی، ایف آئی اے، لیبر اینڈ ہیومن ریسورس، سوشل ویلفیئر، ویمن ڈویلپمنٹ، ڈسٹرکٹ چائلڈ پروٹیکشن یونٹ، چائلڈ پروٹیکشن آفیسر اور انسانی حقوق پر کام کرنے والی دیگر رجسٹرڈ سماجی تنظیموں کے نمائندوں کی سربراہی میں بنائی گئی ہے۔ کمیٹی کے اراکین کو ہر ماہ بلایا جائے گا،اجلاس میں صدر ضلعی بار ایسوسی ایشن ایاز مری، ایڈووکیٹ عبدالرحیم عباسی، ڈپٹی ڈائریکٹر انفارمیشن غلام عباس گوراہو، ڈسٹرکٹ ویجیلنس کمیٹی کے اراکین نے شرکت کی۔
