Admin
نوشہروفیروز( رانا ندیم انجم )
ضلع نوشہروفیروز میں شدید گرمی پارہ 46 ڈگری سینٹی تک جا پہنچا، سورج آگ برسانے لگا، شدید گرمی اور چلنے والی ہوا کے گرم تھپیڑوں کے کاروباری وتجارتی علاقوں میں سناٹا چھا گیا لوگ گھروں میں محصور، آنے والے دنوں میں مزید گرمی میں اضافہ کا امکان، شدید گرمی کے باعث برف اور ٹھنڈے مشروبات کی مانگ اور قیمتوں میں اضافہ ہو گیا ہے، شدید گرمی میں بجلی کی غیر اعلانیہ لوڈشیڈنگ اور آنکھ مچولی کا سلسلہ بھی جاری ہے۔ تفصیلات کے مطابق ضلع نوشہروفیروز اور گردونواح سمیت چھوٹے بڑے شہروں اور دیہاتوں میں سورج سوا نیزے پر آ گیا اور آگ برسانے لگا جبکہ ہوا کے گرم تھپیڑوں سے سڑکیں ویران ہیں اور کاروباری و تجارتی مراکز میں سناٹا چھا گیا لوگ گھروں میں محصور ہونے پر مجبور ہیں گرمی کی شدید لہر کی وجہ سے سڑکوں پر ٹریفک بھی معمول کم رہا شدید گرمی میں بجلی کی غیر اعلانیہ لوڈشیڈنگ اور آنکھ مچولی کا سلسلہ بھی جاری ہے جس کی وجہ سے لوگوں کو خصوصاً خواتین اور بچوں کو گھروں میں اذیت ناک صورتحال کا سامنا کرنا پڑ رہا ہے شدید گرمی کے باعث برف اور ٹھنڈے مشروبات کی مانگ اور قیمتوں میں اضافہ ہو گیا ہے محکمہ موسمیات کے مطابق گرمی کی شدید لہر آئندہ چند دنوں تک جاری رہنے کا امکان ہے اس گرمی کی شدت میں اضافہ بھی متوقع ہے ڈاکٹروں نے شدید گرمی کے دوران لوگوں غیر ضروری بار نکلنے سے منع کیا ہے اور گھروں میں رہنے اور پانی زیادہ استعمال کرنے کا مشورہ دیا ہے۔
