Admin
نوشہروفیروز ( رانا ندیم انجم )
چیئرمین ضلع کاؤنسل نوشہروفیروز سہیل اختر عباسی نے سال 2024-2025 کے بجٹ اجلاس کی صدارت کی اس موقع پر انہوں نے کل 1 ارب 38 کروڑ 41 لاکھ 94 ہزار 651 روپے آمدن اور 1 ارب 38 کروڑ 24 لاکھ 47 ہزار 909 روپے اخرجات کا سالانہ بجٹ پیش کیا انہوں نے اس موقع پر اجلاس سے خطاب کرتے ہوئے کہا کہ گزشتہ سال انتخابات کا سال تھا اور اس سال کے دوران الیکشن تک الیکشن کمیشن کی جانب سے ترقیاتی کام کرانے پر پابندی نافذ تھی اس لئے انتخابات کا عمل مکمل ہونے کے فوراً بعد ہم نے ضلع کاؤنسل کے ترقیاتی کاموں کے ٹیندر کا عمل شروع کردیا ہے اور آپ تمام دوستوں کے تعاون سے ہمارے ترقیاتی کاموں کے ٹینڈر کا عمل ہر ایک یونین کونسل میں شروع ہوچکا ہے۔انہوں نے کہا کہ ہمیں فخر ہے کہ ہم نے ہر یونین کونسل میں بغیر کسی سیاسی تفریق کے ترقیاتی کام کرائیں گے اور کوشش کریں گے کہ غریب لوگوں کی زیادہ سے زیادہ مدد کرسکیں ہم نے کچھ ایسے منصوبے بھی اس بجٹ میں شامل کئے ہیں انہوں نے ضلع کاؤنسل وائس چیئر مین اور ممبران کا شکریہ ادا کیا کہ ان کے تعاون سے یہ بجٹ منظور ہوا ہے۔انہوں نے کہا کہ تمام ممبران کو جلد مزید ترقیاتی اسکیموں کے لئے رقم جاری کرانے کے لئے کوشش کی جائے گی اس موقع پر ضلع کاؤنسل کے ممبران نے بجٹ کے متعلق اپنی تجاویز پیش کیں انہوں نے کہا کہ ضلع کاؤنسل کے ممبران کو مزید فعال بنانے کے لئے اقدامات کئے جائیں۔ اور ضلع کاؤنسل کی ترقیاتی اسکیموں کے متعلق تمام ممبران کو اعتماد میں لئے جائے اور جو بھی ترقیاتی اسکیمیں منظور یا مکمل ہوں ان کے متعلق کاؤنسل کے ممبران کو بھی آگاہ کیا جائے انہوں نے مندرجہ ذیل بجٹ منظور کی گئی۔انہوں نے تنخواہوں اور پینشن کے لئے 42 کروڑ مذہبی اور قومی تہوار اور بھلائی کے لئے 40 لاکھ قدرتی آفات کے لئے 70 لاکھ نئی ترقیاتی اسکیموں کے لئے 24 کروڑ،معزور افراد کے لئے 50 لاکھ غریب افراد کے لئے سولر سسٹم کے لئے 3 کروڑ ضلع کے مختلف پریس کلبوں کے لئے 10 لاکھ ضلع کاؤنسل کے پارک کے لئے 30 لاکھ ضلع کاؤنسل کی ڈسپینسریوں کے لئے 15لاکھ ضلع کاؤنسل کی جاری ترقیاتی اسکیموں کے لئے 61 کروڑ 48 لاکھ 30 ہزار کھیلوں کے لئے 10 لاکھ آفیس کے متفرقہ اخراجات کے لئے 2 کروڑ 98 لاکھ 70 ہزار غریب افراد کی مدد کے لئے 30 لاکھ عورتوں کی بھلائی اور غریب عورتوں کی شادی کے لئے 1 کروڑ ملازمین کی میڈیکل سماجی بھلائی کے لئے 1 کروڑ روپے مختص کئے گئے ہیں انہوں نے آمدن کی تفصیل بتاتے ہوئے کہا کہ او زی ٹی شیئر 76 کروڑ 39 لاکھ 92 ہزار ضلع کاؤنسل کے اپنے ٹیکس پراپرٹی ٹیکس اور کرائے کی مد میں 4 کروڑ 12 لاکھ 50 ہزار بقایاجات کی ادائیگیوں کے لئے 32 کروڑ 96 لاکھ 85 ہزار نئی آفیس کی بلڈنگ کی تعمیر لئے متوقع گرانٹ 10 کروڑ روپے ہے اس طرح ضلع کاؤنسل کی ٹوٹل آمدن 1384194651 روپے ہوگی۔
