Admin
نوشہروفیروز ( رانا ندیم انجم) ڈپٹی کمشنر نوشہروفیروز محمد ارسلان سلیم کی زیر صدارت ضلع میں صحت کی بہتری کے لئے قائم ڈسٹرکٹ ایمرجنسی آپریشن سینٹر کی نگران کمیٹی کا اجلاس ان کے دفتر میں منعقد ہوا۔ اس موقع پر ڈپٹی کمشنر نے کہا کہ محکمہ صحت کی بہتری کے لئے ڈسٹرکٹ ایمرجنسی آپریشن سینٹر کا کردار انتہائی کلید ی ہے۔ انہوں نے کہا کہ ضلع میں صحت اور کی سہولیات کی بہتری کے لئے کمیٹی کے تمام ممبران اپنی اپنی ذمہ داری کو احسن انداز میں ادا کریں اور کمیٹی ممبران آپس میں بہتر تعلقات اور رابطے سے اس کو مزید فعال بنا سکتے ہیں۔ اس موقع پر ضلع میں پولیو مہم کے انتطامات اور گزشتہ مہم کی کارکردگی کا جائزہ لیا گیا۔ اس موقع پر انہوں نے ای پی آئی کی جانب سے بچوں کو جان لیوا بیماریوں سے بچاؤ کے لئے پولیو، خسرہ روبیلا سے بچاؤ کے لئے بھرپور کام کرنے کی ضرورت ہے انہوں نے کہا کہ ہر مہم میں ضلع کا کوئی بچہ بھی ویکسین سے محروم نہ رہے۔ انہوں نے ای پی آئی مہم کے فوکل پرسن ڈاکٹر عبدالستار بلال کو ہدایت کی کہ وہ ضلع میں کام کرنے والے ویکسینیٹرز کی فہرست فراہم کریں۔ انہوں نے کہا کہ جن جن علاقوں میں ویکسینیٹرز مقرر نہیں ہیں وہاں متبال میڈیکل عملہ کو تعینات کیا جائے۔انہوں نے غذائی کمی کے شکار بچوں کو پولیو سے بچاؤکی ویکسین مہم کو مکمل کرنے کی ہدایت کی اور ٹارگیٹ کو مکمل کرکے رپورٹ فراہم کرنے کی ہدایت کی۔انہوں نے ضلع کے مختلف یونین کونسلوں میں بہتر کوریج نہ دینے والی یوسیز کی نشاندہی کرنے کی ہدایت کی ۔اس موقع پر عالمی ادارہ صحت کے پی او ڈاکٹر غلام علی سولنگی، این اسٹاف آفیسر ڈاکٹر لبنی علی،ڈاکٹر شبیر الحسنین اوردیگر متعلقہ افسران موجود تھے۔
