Adminٹنڈوآدم (رپورٹ کامران انصاری)
امیر جماعت اسلامی حافظ نعیم الرحمن کی کال پر ملک بھر کی طرح ٹنڈوآدم میں بھی مہنگائی ،لوڈشیڈنگ اور بجلی کے بلوں میں ٹیکس کے خلاف احتجاجی ریلی نکالی گئی احتجاجی ریلی جماعت اسلامی کے مرکزی رھنما راشد نسیم کی قیادت میں محمدی چوک سے پریس کلب تک نکالی گئی۔ پریس کلب پر پہنچ کر جماعت اسلامی کے رہنما نے بیان کرتے ہوئے کہا کہ پاکستان کی بقا صرف اور صرف ایماندار اور دیانت دار قیادت میں ہے ورنہ اسی طرح عوام کی بنیادی ضروریات بجلی،پانی،گیس پرڈاکہ پڑتا رہے گا
اور مہنگائی پر مہنگائی ہوتی چلی جائے گی انھوں نے مزید کہا کہ عوام کو بیدار ہونے کا وقت آگیا ہے اگر اب بھی عوام گھروں سے نکل کر اپنے بنیادی ضروریات حاصل کرنے کے لئے نہ نکلی تو آنے وقت عوام کو ان تمام ضروریات سے محروم کردیا جائے گا اس موقع پر جماعت اسلامی کے رہنما،عبدالستار انصاری ،مشتاق عادل،عبدالغفور انصاری اور شہریوں کی بڑی تعداد موجود تھی ۔
