Admin
منڈی بہاوالدین، 08 ستمبر 2024(میاں شریف زاہد )
وزیر اعلیٰ پنجاب مریم نواز شریف کے ویژن ”ستھرا پنجاب“ مہم کے تحت ضلع بھر کے شہری اور دیہاتی علاقوں میں صفائی ستھرائی کا عمل تیزی سے جاری ہے۔
ڈپٹی کمشنر ڈاکٹر فیصل سلیم کی ہدایت پر اسسٹنٹ کمشنر منڈی بہاوالدین ندیم بلوچ نے صفائی ستھرائی کے عمل کا جائزہ لینے کے حوالے سے کٹھیالہ شیخاں اور کوٹلی مسیانہ کا دورہ کیا۔
پنے دورے کے دوران انہوں نے آپریشن صفائی ستھرائی کا تفصیلی جائزہ لیا۔
اس موقع پر انہوں نے متعلقہ صفائی عملہ کو صفائی ستھرائی کے حوالے سے ضروری ہدایات بھی جاری کیں۔
اسسٹنٹ کمشنر ندیم بلوچ کا کہنا تھا کہ حکومت پنجاب کی ہدایت پر شہروں سمیت قصبہ جات میں بھی صفائی ستھرائی کے نظام کو بہتر کیا جا رہا ہے۔
ان کا کہنا تھا کہ افسران ضلع میں انتظامی فرائض کی ادائیگی کے لئے متحرک رہیں،
اپنے فرائض کی ذمہ دارانہ ادائیگی کے لئے ٹیم ورک کا مظاہرہ کریں۔
