چشتیاں(میاں میراحمدمستانہ سہروردی سے ) چشتیاں کے مسلم لیگی رہنما چوہدری غلام ربانی کے قتل کیس کے ملزمان کی گرفتاری کیلئے تمام وسائل بروئے کار لائے جا رہے ہیں، چوہدری احمداقبال باجوہ

چشتیاں(میاں میراحمدمستانہ سہروردی سے )

چشتیاں کے مسلم لیگی رہنما چوہدری غلام ربانی کے قتل کیس کے ملزمان کی گرفتاری کیلئے تمام وسائل بروئے کار لائے جا رہے ہیں اور پولیس جلدانہیں گرفتار کرلے گی،چشتیاں پولیس نے ڈکیتی کی مختلف وارداتوں میں ملوث پانچ ڈاکوؤں سے 18لاکھ روپئے نقد،5لاکھ12ہزار روپئے مالیت کے 6موبائل فون برآمد کئے ہیں جبکہ پولیس نے موٹرسائیکل چوروں کے ایک گروہ کا سراغ لگالیا ہے۔اس امر کا اظہار ایس ایچ او تھانہ سٹی اے ڈویژن چشتیاں چوہدری امجد اقبال باجوہ نے میڈیا سے بات چیت کے دوران کرتے ہوئے مزید کہا کہ پولیس نے منشیات فروشوں کے خلاف کریک ڈاؤن کے دوران 9ملزمان گرفتار کرکے ان کے قبضہ سے 3379گرام چرس،70لیٹر شراب دیسی برآمد کرنے کے علاوہ 4ملزمان سے چار پسٹل 30بور برآمد کرکے تمام ملزمان کے خلاف الگ الگ مقدمات درج کرکے تفتیش شروع کردی ہے۔انہوں نے کہا کہ خدا کے فضل سے چشتیاں شہر میں تین بلائینڈ مرڈر کیس کو ٹریس کئے تھے اور چشتیاں میں غلام ربانی کے قتل کیس کے ملزمان کو بھی جلد گرفتار کرلیا جائے گا۔انہوں نے بتایا کہ پولیس نے موٹرسائیکل چوروں کے گروہ کا بھی سراغ لگا لیا ہے اور اس گروہ میں شامل ملزمان کو بھی جلد گرفتار کرکے موٹرسائیکل کرلئے جائیں گے۔#