ڈپٹی کمشنر شہید بینظیرآباد شہریار گل میمن کی زیر صدارت ضلع میں 28 اکتوبر سے شروع ہونے والی قومی انسداد پولیو مہم کے انتظامات کا جائزہ

سکرنڈ(رپورٹ ولی محمد بھٹی) 

ڈپٹی کمشنر شہید بینظیرآباد شہریار گل میمن کی زیر صدارت ضلع میں 28 اکتوبر سے شروع ہونے والی قومی انسداد پولیو مہم کے انتظامات کا جائزہ لینے کے لئے ایک اجلاس آج ڈی سی آفیس کے دربارہال میں منعقد ہوا  اجلاس میں گذشتہ انسداد پولیو مہم کا جائزہ بھی لیا گیا اجلاس میں ڈپٹی کمشنر شہریار گل میمن  نے محکمہ صحت کے افسران کو سختی سے ہدایات دیتے ہوئے کہا کہ نواب شاہ میں پولیو کےسیمپل پازیٹوآنے کے بعد 28 اکتوبر سے شروع ہونے والی قومی انسداد پولیو مہم پر مزید توجہ دینے کی ضرروت ہے تاکہ مہم کے دوران کوئی بھی بچہ پولیو سے بچاؤ کے قطرے پینے سے نہ رہے  انہوں نے مزید کہا کہ   بہتر مائکرو پلان کی تیاری، پولیو ٹیموں کی تربیت اور بہتر مانیٹرنگ سے  ہی انسداد پولیو مہم کے بہتر نتائج حاصل کئے جاسکتے ہیں اس لئے کسی بھی قسم کی کوتاہی ہرگز برداشت نہیں کی جائے گی  ڈپٹی کمشنر نے محکمہ صحت کے افسران پر زور دیا کہ وہ مہم کے پہلے روز ریفیوزل کوور کرکے رپورٹ پیش کریں  ڈپٹی کمشنر نے پی پی ایچ آئی کے ڈسٹرکٹ مینیجر کو ہدایات دیتے ہوئے کہا کہ مہم کے دوران تمام صحت مراکز میں ڈاکٹرز اور ادویات کی موجودگی کو یقینی بنایا جائے جبکہ  بچوں کو پولیو سے بچاؤ کے قطرے پلانے کے لئے بھی اقدامات کئے جائیں ڈپٹی کمشنر نے ڈی ایس پی پولیس کو ہدایات دیتے ہوئے کہا کہ مہم کے دوران تمام پولیو ٹرانزٹ پوائنٹس پر پولیس اہلکاروں کی موجودگی کو یقینی بنایا جائے  اجلاس کو آگاہی دیتے ہوئے ڈسٹرکٹ ہیلتھ آفیسر ڈاکٹر اسداللہ ڈاہری اور فوکل پرسن برائے پولیو ڈاکٹر اللہ بخش راجپر نے بتایا کہ نواب شاہ میں پولیو کے سیمپل پازیٹو آنے کے بعد آئندہ منعقد ہونے والی قومی انسداد   پولیو  مہم  پر مزید توجہ دینے کی ضرورت ہے انہوں نے مزید بتایا کہ ضلع میں 28 اکتوبر سے 3 نومبر تک منعقد ہونے والی قومی انسداد پولیو مہم کے دوران ضلع کے پانچ سال تک عمر کے 4 لاکھ 20 ہزار 756 بچوں کو پولیو سے بچاؤ کے قطرے پلائے جائیں گے اس مقصد کے لئے کل 1194 ٹیمیں تشکیل دی گئی ہیں جس میں 1037 موبائل، 52 ٹرانزٹ، 74 فکسڈ اور 31 ایس ایم ٹی ٹیمیں شامل ہیں انہوں نے مزید بتایا کہ قومی انسداد  پولیو مہم کو کامیاب بنانے کے لئے بہتر مائکرو پلان تشکیل دینے اور پولیو ٹیموں کی تربیت کا کام شروع کیا جارہا ہے ۔ اجلاس میں ایڈیشنل ڈپٹی کمشنر نواب سمیر لغاری ، ایم ایس پی ایم سی اسپتال ڈاکٹر یار علی جمالی، ڈسٹرکٹ پاپولیشن آفیسر ریاض احمد شر، ڈی ایس پی پولیس عبدالحمید جلبانی کے علاوہ محکمہ تعلیم، صحت، سوشل ویلفئیر اور دیگر متعلقہ محکموں کے افسران نے شرکت کی۔