Admin
ڈیرہ غازی خان (رانا فیصل سے)
ڈیرہ غازی خان ڈویژن سمیت ملک بھر میں پولیو مہم 28 اکتوبر سے شروع ہوگی۔ڈیرہ غازی خان ڈویژن میں 22 لاکھ 11 ہزار 359 بچوں کو پولیو کے قطرے پلانے کا ہدف مقرر کیا گیا ہے جس کےلئے کےلئے9869 ٹیمیں تشکیل دی گئی ہیں جن میں 9129 موبائل ٹیمیں شامل ہیں۔یہ بات کمشنر ڈاکٹر ناصر محمود بشیر کی زیر ویڈیو لنک اجلاس میں بتائی گئی۔
ڈپٹی کمشنرز اور متعلقہ افسران ویڈیو لنک اجلاس میں شریک تھے۔کمشنر ڈاکٹر ناصر محمود بشیر نے کہا کہ ہر ٹارگٹ بچہ تک رسائی حاصل کرکے پولیو ویکسین پلائی جائے۔پہاڑ،میدان اور دریائی بیلٹ کی ابادی کو خصوصی فوکس کیا جائے۔پولیو ٹیموں کی سیکیورٹی اور کڑی نگرانی یقینی بنائی جائے۔مائیکرو پلان کے مطابق پولیو ٹیمیں کام کریں۔انہوں والدین سے بھی کہا کہ وہ اپنے بچوں کو عمر بھر کی معذوری سے بچانے کےلئے بچوں کو پولیو کی حفاظتی ویکسین ضرور پلائیں۔کمشنر ڈی جی خان کا کہنا تھا کہ بچوں کو پولیو کے قطرے پلانے سے انکار کرنے والوں کے خلاف بھی قانون کے تحت کارروائی کی جائے گی۔
