Adminرپورٹ۔محمدحسین سومرو
ایس ایس پی کیماڑی کیپٹن (ر) فیضان علی کی ہدایات پر
بلوچستان سے کراچی منشیات و دیگر ممنوعہ اشیاء کی ترسیل کو روکنے کے لئے ضلع کیماڑی پولیس کی جانب سے سخت ترین چیکنگ کا عمل جاری۔
رات گئے تھانہ موچکو پولیس کی حب ریور روڈ پر دو مختلف مقامات پر کامیاب کاروائیاں۔
لاکھوں روپے مالیت کی منشیات بلوچستان سے کراچی ترسیل کرنے کی کوششوں کو ناکام بنا دیا گیا۔
بین الصوبائی منشیات اسمگلنگ میں ملوث تین ملزمان گرفتار، ایک کلو سے زائد کرسٹال اور آدھا کلو سے زائد ویڈ منشیات برآمد۔
پہلی کاروائی میں بلوچستان سے آنے والی کار سے 548 گرام ویڈ (منشیات) برآمد کرکے شہداد نامی ملزم کو گرفتار کیا گیا۔
جبکہ دوسری کاروائی میں حب چوکی کی جانب سے آنے والے موٹرسائیکل سوار دو منشیات سپلائرز کو گرفتار کیا گیا۔
گرفتار ملزمان آفتاب اور دوست جان کے قبضہ سے 1020 گرام کرسٹال برآمد ہوئی۔
ملزمان کو ایس ایچ او تھانہ موچکو انسپکٹر بشیر احمد ودھو نے اسٹاف کے ہمراہ کاروائیاں کرتے ہوئے گرفتار کیا۔
ملزمان کے خلاف اینٹی نارکوٹکس ایکٹ کے تحت مقدمات درج کرکے مزید تفتیش کی جا رہی ہے۔
