Admin
کراچی(اسٹاف رپورٹر)معروف پاکستانی نژاد امریکی تاجرعلی شیخانی کی جانب سے ایسوسی ایشن آف کیمرہ مین جرنلسٹس کو نقد رقم دینے کی تقریب منقعد کی گئی، سندھ بوائز اسکاؤٹ ایسوسی ایشن کے محمد صدیق اسکاؤٹ آڈیٹوریم میں ہونے والے ایونٹ میں نیوز چینلز کے کیمرہ مینوں اور صحافی حضرات نے بڑی تعداد میں شرکت کی،تقریب سے خطاب کرتے ہوئے جے ڈی سی فاؤنڈیشن پاکستان کے سیکریٹری جنرل تمغہ امتیاز ظفر عباس نے بتایا کہ انہوں نے گذشتہ ماہ علی شیخانی کونیوز چینلز کے کیمرہ مینوں کے مسائل سے آگاہ کیا تھا جس کے بعد علی شیخانی نے کیمرہ مینوں کی نمائندہ تنظیم ایسوسی ایشن آف کیمرہ مین جرنلسٹس کےلیے انعامات کا اعلان کیا ،
ظفر عباس نے کہا کہ علی شیخانی نے شہید صحافی نصر اللہ گڈانی کے اہل خانہ کے لیے ایک کروڑ روپے کی امداد کی ہے ، وہ ہرقدم پر صحافی حضرات کے ساتھ کھڑے ہیں ۔علی شیخانی نے اپنی تقریر میں کہا کہ وہ سماجی خدمات کا سلسلہ کئی برسوں سے کررہے ہیں اور چاہے وہ سحری ہویاافطاری، کسی کوگاڑی دینا ہوموٹرسائیکل ، فلیٹ دینا ہوایک کروڑ روپے یا کوئی نقد رقم یہ سب میں ان پیسوں سے کرتا ہوں جو پیسے میں اپنے فیملی پر خرچ کرتا ہوں ،کیمرہ مین ایسوسی ایشن کے صدر الطاف حسین نے اپنے خطاب میں کہا کہ جب ظفر عباس نےہمیں 30لاکھ دیہے تو ہمیں یقین ہی نہیں آیا ، ہم خالی اکاؤنٹ سے یہ تنظیم چلارہے تھے اور اب علی شیخانی کی جانب سے دیے گئے پیسوں سے ہم کیمرہ مینوں کے حالات میں بھی بہتری آئے گی، انہوں نے امداد کرنے پر علی شیخانی اور ظفر عباس کا تہہ دل سے شکریہ اداکیا، پروگرام میں علی شیخانی نے ، آخر میں کیمرہ مینوں کی تنظیم کی جانب سے علی شیخانی اور ظفر عباس کو یادگاری شیلڈ کے علاوہ سندھی ٹوپی اور اجرک بھی پیش کی گئیں ۔
