Admin کراچی رپورٹ۔محمدحسین سومرو
کراچی میں موٹر سائیکل چوری کر کے آن لائن فروخت کرنے والا گینگ گلبہار پولیس نے پکڑ لیا
گینگ واردات کے لیے تین مرحلوں میں کام کرتا تھا، پہلے مرحلے میں ملزمان کلیئر موٹرسائیکل کے کاغذات حاصل کرتے اور اسکے جعلی کاغذات تیار کرتے تھے
دوسرے مرحلے میں ملزمان اس کمپنی کی موٹر سائیکل چوری کرتے جسکے کاغذات جعلی بنائے جاتے تھے
جبکہ تیسرے مرحلے میں انجن چیسز نمبر ٹیمپرڈ کر کے ان لائن ویبسائٹ پر فروخت کرتے تھے
ملزمان کا گروہ کراچی کے مختلف علاقوں میں انتہائی سرگرم تھا
ملزمان نے کراچی کے سادہ لوح شہریوں کو درجنوں چوری شدہ موٹر سائیکل ٹیمپر کرنے کے بعد فروخت کرنے کا اعتراف کیا ہے
گرفتار ملزمان کی شناخت بلاول، شاہ رخ اور رضوان ناموں سے ہوئی
ملزمان کے قبضے سے کراچی کے مختلف علاقوں سے چوری کی ہوئی 8 عدد موٹر سائیکل اور 5 عدد چیسیز برامد کروائے گئے ہیں
ملزم رضوان نے انکشاف کیا وہ موٹر سائیکل کے جعلی کاغذات بناتا تھا اور بعد ازاں آنلائن ویبسائٹ پر چوری شدہ موٹر سائیکل فروخت کرتا تھا
ملزم بلاول نے اعتراف کیا وہ موٹر سائیکل چوری کرنے میں ملوث ہے اور آن ڈیمانڈ موٹر سائیکل چوری کرتا تھا
جبکہ ملزم شاہ رخ موٹر سائیکل کے انجن چیسیز نمبر ٹیمپر کرنے کا ماہر ہے اور ٹیمپر کرنے کے 3 ہزار روپے لیتا ہے
گرفتار ملزمان کے خلاف ضابطے کی کاروائی مکمل کر کے مقدمہ درج کر لیا گیا جبکہ تفتیش کا اغاز بھی کر دیا گیا ہے
