Admin
خوشاب (راجہ نورالہی عاطف سے)گورنمنٹ گریجویٹ کالج برائے خواتین خوشاب نے اپنی سابقہ شاندار روایات کو برقرار رکھتے ہوئے محکمہ ءہائر ایجوکیشن کی خصوصی ہدایات کے مطابق جشن عید میلاد مصطفی ا صلی اللہ علیہ وآلہ وسلم کی مناسبت سے” ہفتہ ء شان رحمت اللعالمین” کا انعقاد کیا گیا۔ پرنسپل ادارہ ہذا ممتاز ماہرتعلیم میڈم ام حفصہ حبیب نے اس عظیم الشان ایونٹ کی بھرپور نگرانی کی اور اسے شاندار کامیابی سے ہمکنار کیا گیا۔ اس روحانی ،وجدانی اور لاثانی محفل میں معززین علاقہ(خواتین) اور تمام اداروں کی سربراہان کو مدعو کیا گیا ۔ محفل پرنور کا آغاز تلاوت قران مجید فرقان حمید سے ہوا ۔بعدازاں طالبات نے درود و سلام اور نعتوں کے نذرانے بھی پیش کیے ۔اس موقع پر مقررین نے اظہارخیال کرتے ہوءے سیرت النبی صلی اللہ علیہ وآلہ وسلم کے مختلف پہلووں پرروشنی ڈالی۔ انہوں نے کہا کہ ہم اسوہء کامل صلی اللہ علیہ وآلہ وسلم پر مکمل عمل پیرا ہوکر ہی فلاح دارین حاصل کرسکتے ہیں۔ آخر میں ملک و ملت اور عالم اسلام کی تعمیروترقی اور امن و سلامتی کے لیے خصوصی دعائیں مانگی گئیں ۔
