خاتون کے قتل میں اسی کا دوست ملوث نکلا

 خاتون کے قتل میں اسی کا دوست ملوث نکلا

کراچی : ای این آئی ( رپورٹ راشد خان) 

کورنگی میں فائرنگ کرکے خاتون کو قتل کرنے کی واردات میں اس کا دوست ہی ملوث نکلا، پولیس نے ملزم کو گرفتار کرلیا۔

کورنگی صنعتی ایریا تھانے کے علاقے اللہ والا ٹاؤن میں واقع فلیٹ میں 24 سالہ سمرا دختر ندیم نامی خاتون کو سر پر فائرنگ کرکے قتل کردیا گیا تھا، واقعہ کا مقدمہ الزام نمبر 24/879 بجرم دفعہ 302 کے تحت مقتولہ کے والد محمد ندیم کی مدعیت میں درج کرکے تفتیش انویسٹی گیشن پولیس کے سپرد کردی گئی تھی۔

مقتولہ خاتون کی 2020ء میں شادی ہوئی تھی اور3 ماہ بعد ہی مقتولہ طلاق لے کر اپنے گھر آگئی تھی، مقتولہ خاتون آزاد خیال تھی اور فروری 2024ء میں اپنی مرضی سے گھر چھوڑ کر چلی گئی تھی۔

کورنگی انویسٹی گیشن پولیس نے خاتون کے قتل میں ملوث اس کے دوست محمد اسامہ فرید ولد محمد یاسین کو گرفتار کرکے اس کے قبضے سے دو موبائل فونز اور قتل میں استعمال ہونے والا اسلحہ برآمد کرلیا۔

کورنگی انویسٹی گیشن پولیس کے مطابق مقتولہ ثمرا اور گرفتار ملزم محمد اسامہ بچپن کے دوست تھے، گھر والوں کی مرضی کے خلاف ایک فلیٹ میں ساتھ رہائش پذیر تھے، انویسٹی گیشن پولیس کے مطابق گرفتار ملزم نے  دوران تفشیش ثمرا ندیم کو قتل کرنے کا اعتراف بھی کر لیا  پولیس کے مطابق گرفتار ملزم کو شک ہو گیا تھا کہ ثمرا ندیم کسی دوسرے شخص سے شادی کرنا چاہتی ہے ملزم نے دوران تفشیش کہا کہ ثمرا نے اس سے خود کہا تھا کہ اسے قتل کر دو تو میں نے قتل کر دیا وہ اپنے انویسٹیگیشن پولیس کے مطابق مقتولہ خاتون کی لاش 10 جولائی کو فلیٹ سے ملی تھی اور مقتولہ کو 2 سے 3 روز قبل فائرنگ کر کے قتل کیا گیا تھا پولیس واقعے کے حوالے سے مزید پہلوؤں پر بھی کر رہی ہے۔۔