ٹنڈوالہ یار کے گوٹھ بچل کیریو کے رہائشیوں خواتین بچوں اور مردوں نے با اثر بھٹے مالک کی جانب سے انہیں بلا جواز تنگ کرنے کے خلاف احتجاج

 ٹنڈوالہ یار (نمائندہ خصوصی) ٹنڈوالہ یار کے گوٹھ بچل کیریو کے رہائشیوں خواتین بچوں اور مردوں نے با اثر بھٹے مالک کی جانب سے انہیں بلا جواز تنگ کرنے کے خلاف احتجاجی مظاہرہ کیا اس موقع پر ادریس کیریو، شہزادی کیریو، روشن کیریو و دیگر نے صحافیوں کو بتایا کہ کولاچی اسٹاپ پر قائم اینٹوں کے بھٹے کا مالک ويلسن عيسائی اور اسکا مددگار ملوک پنہور اور دیگر ہماری 35 گھنٹہ زرعی زمین پر قبضہ کرنا چاہتے ہیں اور ہمیں حراساں کررہے ہیں جبکہ بی سیکشن تھانے کی پولیس بھی ان کی مددگار بنی ہوئی ہے یہ لوگ ہمیں زبردستی زمین سے بے دخل کرنا چاہتے  ہیں ہمیں دھمکیاں دے رہیں ہیں  کہ تم پر مقدمات درج کروائیں جائیں گے انہوں نے کہا کہ وہ بااثر عیسائی ہمیں مذہب تبدیل کرنے پر مجبور کر رہے ہیں انہوں نے آئی جی سندھ، ڈی آئی جی حیدرآباد اور ایس ایس پی ٹنڈوالہ یار سے اپیل کرتے ہیں کہ مذکورہ افراد کے خلاف قانونی کاروائی کی جائے اور ہمیں تحفظ اور انصاف کیا جائے۔