دفتر ڈپٹی انسپکٹر جنرل آف پولیس ٹریفک کراچی سے جاری اعلانیہ برائے راہنمائی عوام الناس ۔

رپورٹ : محمد حسین سومرو

مورخہ 28 اکتوبر 2024 کی رات 01:00بجے سے 04:00 بجے تک بوجہ تعمیراتی کام تمام پبلک ، کمرشل اور پرائیویٹ گاڑیوں کو درج ذیل راستوں سے گزرنے کی اجازت نہیں ہوگی۔ عوام الناس سے گذارش ہے کہ زحمت اور پریشانی سے بچنے کے لیے درج ذیل ہدایات پر عمل کریں ۔

ٹریفک کے متبادل راستے

ڈرگ روڈ:
ائیر پورٹ سے جانب شہر آنے والی ہیوی اور کمرشل اور عام ٹریفک کو کارساز روڈ اور اسٹیڈیم کی جانب جانے کی اجازت نہیں ہوگی۔ ڈرگ روڈ شارع فیصل سے دائیں جانب راشد منہاس روڈ، ملینیم سے نیپا کا راستہ اختیار کریں۔

کارساز :
شارع فیصل: FTC ،نرسری سے آنے والی تمام ٹریفک کوکارساز اور ائیر پورٹ کی جانب جانے کی اجازت نہیں ہوگی۔ شارع فیصل بلوچ کالونی برج کے نیچے سے بائیں جانب شہید ملت روڈ،جیل فلائی اوور سے دائیں جانب، حسن اسکوائر، نیپا سے دائیں جانب ملینئیم، راشد منہاس روڈ، ڈرگ روڈ کا راستہ اختیار کرکے ائر پورٹ جا سکتے ہیں۔

سر شاہ سلیمان روڈ:
یونیورسٹی روڈسے بائیں جانب سر شاہ سلیمان روڈ EXPO یا اسٹیڈیم کی جانب کسی بھی قسم کی ٹریفک کو درج بالا اوقات میں جانے کی اجازت نہیں ہوگی۔

نیو ٹاؤن:

یونیورسٹی روڈسے جانب آغا خان ہسپتال سے آگے کسی بھی قسم کی ٹریفک کو درج بالا اوقات میں اسٹیڈیم روڈ، کارساز اور ملینئیم کی جانب جانے کی اجازت نہیں ہوگی۔یونیورسٹی روڈ سے جیل فلائی اوور سے پی پی چورنگی یا بائیں جانب شہید ملت کا راستہ اختیار کریں۔

حسن اسکوائر :
لیاقت آباد نمبر 10سےحسن اسکوائر برج سے جانب اسٹیڈیم روڈ کی بھی قسم کی ٹریفک کو درج بالا اوقات میں جانے کی اجازت نہیں ہوگی۔ اسٹیڈیم روڈ سے نیپا ، راشد منہاس روڈ کا راستہ اختیار کریں۔

عوام الناس سے گزارش ہے کہ زحمت و پریشانی سے بچنے کےلئے قانون نافذ کرنے والے اداروں اور ٹریفک پولیس سے تعاون کریں۔ درج بالا ہدایات پر عمل کریں ۔
کسی بھی پریشانی کی صورت میں رہنمائی کےلیے ٹریفک پولیس راہنما 1915 ملائیں جہاں ہمارے نمائندے آپکی رہنما ئی کے لئے موجود ہیں یا ہمارے سوشل میڈیا یونٹ ۔ واٹس ایپ 03059266907 ۔ یا ایف ایم ریڈیو 88.6 )سے تازہ ترین اپ ڈیٹ حاصل کرتے رہیں۔