Adminننکانہ صاحب (بیورورپورٹ)ڈپٹی کمشنر ننکانہ صاحب محمد تسلیم اختر راو نے سی ایم انیشیٹوز پر عملدرآمد ، ترقیاتی منصوبوں پر پیش رفت ، سکولوں میں تعلیمی معیار اور ناجائز تجاوزات کے خاتمے کا جائزہ لینے کے لیے تحصیل سانگلہ ہل میں مصروف ترین دن گزارا۔اسسٹنٹ کمشنر سانگلہ ہل ظہیر الدین بابر ، ڈپٹی ڈائریکٹر ڈویلپمنٹ حماد یوسف ، ایکسین بلڈنگ عامر محمود ، ایکسین ہائی وے سمیت دیگر متعلقہ افسران بھی ڈپٹی کمشنر کے ہمراہ تھے۔ڈپٹی کمشنر نے گورنمنٹ علامہ اقبال ماڈل ہائی سکول ، گورنمنٹ ٹیکنکل گرلز ہائی سکول سمیت سپشل ایجوکیشن سکول کا دورہ کیا ، ڈپٹی کمشنر نے سکولوں میں اساتذہ کی حاضری ، سٹوڈنٹس کو دی جانے والی سہولیات کا جائزہ لیا اور سٹوڈنٹس سے سلیبس کے متعلقہ سوال و جواب کیے اور انکو دل لگا کر پڑھنے کی ہدایت کی۔ڈپٹی کمشنر نے ریلوے پھاٹک مڑھ بلوچاں میں نکاسی آب کے مسائل کا جائزہ لیا اور تحصیل انتظامیہ کو انڈر پاس کی صفائی کا ٹاسک دیا۔ڈپٹی کمشنر محمد تسلیم اختر راو نے پولیو ٹیموں کی کارکردگی کا جائزہ لینے کے لیے تحصیل سانگلہ کے مختلف ٹرانزٹ پوائنٹس کو بھی چیک کیا۔ڈپٹی کمشنر نے تجاوزات کے خاتمے کا جائزہ لینے کے لیے سانگلہ سٹی کے مختلف بازاروں کا دورہ کیا ، انجمن تاجران سانگلہ ہل کی جانب سے ڈپٹی کمشنر کی بازاروں میں آمد پر شاندار استقبال کیا گیا۔ڈپٹی کمشنر نے انجمن تاجران کے مسائل سنے اور اسسٹنٹ کمشنر کو ان کے جائز مسائل ترجیحی بنیادوں پر حل کرنے کی ہدایات جاری کیں۔انہوں نے تحصیل انتظامیہ کو ریڑھی بانوں کے ساتھ بیٹھ کر ان کے مسائل حل کرنے کی ہدایت بھی جاری کیں۔ڈپٹی کمشنر نے تجاوزات کے خاتمے میں تعاون پر سانگلہ ہل کی تاجر تنظیموں کا شکریہ ادا کیا۔ڈپٹی کمشنر نے رجسٹرار آفس میں شہریوں کو دی جانے والی سروسز کا جائزہ بھی لیا۔ڈپٹی کمشنر نے تحصیل سانگلہ ہل میں جاری اور نئے ترقیاتی منصوبوں پر پیش رفت کا جائزہ لیا ، ایکسین بلڈنگ ، ایکسین ہائی وے اور ڈپٹی ڈائریکٹر ڈویلپمنٹ نے جاری اور نئے ترقیاتی منصوبوں بارے ڈپٹی کمشنر کو تفصیلی بریفنگ دی۔اس موقع پر ڈپٹی کمشنر ننکانہ صاحب محمد تسلیم اختر راو نے گفتگو کرتے ہوئے کہا کہ وزیر اعلی پنجاب مریم نواز شریف عوام فلاح و بہبود کے منصوبوں پر کڑی نظر رکھے ہوئے ہیں اور حکومت پنجاب صوبے میں تعلیمی معیار کو بہتر بنانے کے لیے خصوصی اقدامات کر رہی ہے۔انہوں نے کہا کہ اساتذہ کا سٹوڈنٹس کی تعلیم و تربیت میں ہمیشہ سے اہم کردار رہا ہے ، اساتذہ معمار قوم ہیں ان کی خدمات کو کبھی فراموش نہیں کیا جا سکتا۔ڈی سی ننکانہ نے کہا کہ وزیر اعلی پنجاب مریم نواز شریف کے ویڑن کے مطابق ضلع بھر کے سکولوں کی تزئین و آرائش جاری ہے بچوں کی تعلیم و تربیت پر کوئی سمجھوتہ نہیں کیا جائے گا ، محکمہ تعلیم کو وسائل کی کمی نہیں ہونے دیں گے ، اساتذہ کی پروموشن سمیت انکے جائز مسائل ترجیحی بنیادوں پر حل کیے جائیں گے۔ڈپٹی کمشنر نے کہا کہ ترقیاتی منصوبوں میں استعمال ہونے والے میٹریل کی کوالٹی پر کسی کو معاف نہیں کیا جائے گا ، متعلقہ ادارے جاری تمام ترقیاتی منصوبوں کو بروقت مکمل کریں اور نئے ترقیاتی منصوبوں پر جلد کام شروع کیا جائے۔انہوں نے کہا کہ دوبارہ تجاوزات کرنے والوں کو کیفرکردار تک پہنچائیں گے ، تجاوزات کے خلاف بلاتفریق کاروائیاں جاری رکھیں گے۔ڈپٹی کمشنر نے کہا کہ پولیو ٹیموں نے دن رات محنت کرکے ٹارگٹ کو بروقت مکمل کیا۔ڈی سی ننکانہ نے یہ بھی کہا کہ ضلع کے تمام شہروں ، قصبوں اور دیہاتوں کو ہر صورت زیروویسٹ بنائیں گے ، عوام الناس ضلع کو زیرویسٹ بنانے اور پارکس کی بحالی کے لیے اداروں سے تعاون کریں۔
موسمیاتی تبدیلی کی وزیر مملکت ڈاکٹر شذرہ منصب علی کھرل نے کہا ہے کہ بھارت نے آبی جارحیت کے لئے پہلگام میں فالس فلیگ آپریشن کا ڈرامہ رچایا
ننکانہ صاحب( بیورورپورٹ ) موسمیاتی تبدیلی کی وزیر مملکت ڈاکٹر شذرہ منصب علی کھرل نے کہا ہے کہ بھارت نے آبی جارحیت کے لئے پہلگام میں فالس فلیگ آپریشن کا…