ڈپٹی کمشنر ڈاکٹر فیصل سلیم کی زیر صدارت بگ کیچ اپ ( BCU ) ویکسی نیشن مہم کے حوالے سے ڈی سی آفس میں اجلاس

 منڈی بہاوالدین،( میاں شریف زاہد   )ڈپٹی کمشنر ڈاکٹر فیصل سلیم کی زیر صدارت بگ کیچ اپ ( BCU ) ویکسی نیشن مہم کے حوالے سے ڈی سی آفس میں اجلاس منعقد ہوا۔ اجلاس میں سی ای او ہیلتھ ڈاکٹر عابد یوسف ،ڈسٹرکٹ ہیلتھ آفیسرزڈاکٹر افتخار،ڈاکٹر شکیل نذر،ڈپٹی ڈی ایچ او ڈاکٹر خالد عباسی ، فوکل پرسن ای پی آئی رانا جاوید اختر اور دیگرمحکموں کے افسران نے شرکت کی۔سی او ہیلتھ ڈاکٹر عابد یوسف اور ڈی ایچ او ڈاکٹر افتخار نے اجلاس کو ضلع منڈی بہاوالدین میں یکم اکتوبر سے 31اکتوبر 2024 تک جاری رہنے والی مہم ، مائیکرو پلان، مسنگ چلڈرن،ویکسین،بگ کیچ اپ ایکٹویٹی ویکسی نیشن کے حوالے سے تفصیلی آگاہ کیا۔ انہوں نے بتایا کہ بگ کیچ اپ مہم کے تحت 2019 تا 2024 ویکسی نیشنز مہم میں کسی بھی وجہ سے رہ جانے والے پیدائش کے وقت سے لے کر 5سال تک کی عمر کے بچوں کی ویکسی نیشن کی جائے گی۔ان ویکسین سے بچے تپ دق،پولیو، خناق، نمونیہ، کالی کھانسی،کالا یرقان، گردن توڑ بخار، اسہال، تشنج اور خسرہ جیسی بیماریوں سے محفوظ رہ سکتے ہیں۔جس پر ڈپٹی کمشنر ڈاکٹر فیصل سلیم نے متعلقہ ہیلتھ افسران کو ہدایت کی کہ وہ بگ کیچ اپ مہم کی کامیابی کیلئے پوری محنت اور لگن کے ساتھ کام کریں ۔