سرگودھا ایک سال پانچ ماہ گزرنے کے بعد بھی محنت کش کو انصاف نہ مل سکا پولیس خاموش تماشائی بن گئی

سرگودھا (رپورٹ ای این آئی)سرگودھا ایک سال پانچ ماہ گزرنے کے بعد بھی محنت کش کو انصاف نہ مل سکا پولیس خاموش تماشائی بن گئی
سرگودھا تفصیلات کے مطابق چک نمبر 57 جنوبی سرگودھا کے رہائشی محنت کش ظہیر احمد کے گھر گزشتہ سال مئی 2023 میں چوروں نےگھس کر گھر کا صفایا کردیاتھا۔جس میں موٹرسائیکل ہونڈا 125 موبائل لاکھوں روپے نقدی سمیت گھر کے قیمتی سامان سے محروم کردیا گیا۔نامعلوم ملزمان کے خلاف مقدمہ نمبر 337/23 بھی درج ہوا مگر تاحال کوئی ملزم گرفتار نہ ہوسکا اور نہ ہی کسی کا سراغ مل سکا۔پولیس تھانہ عطا شہید حسب معمول ٹال مٹول کرتی نظرآتی ہے۔ جبکہ سائل حصول انصاف کے لئے دربدر ہوگیاہے۔میری ساری زندگی کی جمع پونجھی سے مجھے محروم کردیا گیا۔خداراہ مجھے انصاف دیا جائے اور پولیس میرے ملزم پکڑ کرمیری داد رسی کرے محنت کش ظہیر صحافیوں سے گفتگو کرتے ہوئے رو پڑا۔ملزمان نے میرے گھر کے بستر تک چوری کرلئے ہیں۔مگر میری فریاد سننے والا کوئی بھی نہیں ہے۔مجھے انصاف نہ ملا تو خود سوزی کرلوں گا۔میں اعلی حکام وزیراعلٰی پنجاب مریم نواز شریف آئی جی پنجاب ڈاکٹر عثمان انور اور آر پی او سرگودھا ڈی پی او سرگودھا سے اپیل کرتا ہوں کہ میرے ملزمان کو گرفتار کیاجائے اور میرا سامان و نقدی برآمد کی جائے۔