Admin
رپورٹ : محمد حسین سومرو
پاکستان کا سر فخر سے بلند کرنے والے پاکستان کے بیٹے سندھ پولیس کے جواں ہمت باکسر نے شہیر آفریدی کا اعزاز پوری پاکستانی قوم کا، اعزاز ہے
رپورٹ کے مطابق : تھائی لینڈ کے شہر بنکاک میں عالمی باکسنگ کے مقابلے میں سندھ پولیس سے وابستہ ایشین باکسنگ کے چار بار کے چیمپیئن شہیر آفریدی نے افریقہ سے تعلق رکھنے والے باکسنگ کے عالمی چیمپیئن پیٹرک الوئیٹے کو چھٹے راؤنڈ میں شکست دیکر عالمی باکسنگ کا اعزاز اپنے نام کرلیا۔آج کے اس مقابلے سے قبل شہیر آفریدی نے مجموعی طور پر باکسنگ کے 14 جبکہ پیٹرک الوئیٹے نے 50 مقابلوں میں حصہ لیا ہے۔
اس مقابلے میں کامیابی کے بعد شہیر آفریدی دنیا کے 100 بہترین پروفیشنل باکسر کی فہرست میں شامل ہوگئے ہیں اور یہ ابتک کی 16 ویں پروفیشنل فائٹ تھی۔علاوہ اذیں شہیر آفریدی مڈل ویٹ کیٹیگری میں عالمی باکسنگ کونسل اور ایسوسی ایشن جبکہ ایشین باکسنگ فیڈریشن کے ٹائٹل ہولڈر بھی ہیں۔
آئی جی سندھ غلام نبی میمن نے باکسر شہیر آفریدی کے عالمی چیمپیئن بننے پر مبارکباد دی اور باکسنگ کے میدان میں انکی یادگار جیت کو پاکستان اور سندھ پولیس کے لیئے ایک اعزاز قرار دیا ہے۔
