سکرنڈ(رپورٹ ولی محمد بھٹی) ڈپٹی کمشنر شہید بینظیر آباد شہریار گل میمن کی زیرِ صدارت ضلع شھید بینظیر آباد میں کھانے پینے کی روزمرہ کی اشیاء کے نرخ مقرر کرنے کے حوالے سے ایک اجلاس

 سکرنڈ(رپورٹ ولی محمد بھٹی) 

ڈپٹی کمشنر شہید بینظیر آباد شہریار گل میمن کی زیرِ صدارت ضلع شھید بینظیر آباد میں کھانے پینے کی روزمرہ کی اشیاء کے نرخ مقرر کرنے کے حوالے سے ایک اجلاس آج انکے آفس میں منعقد ہوا۔ اجلاس سے خطاب کرتے ہوئے ڈپٹی کمشنر شہریارگل میمن نے کہا کے ضلع کی عوام کو کھانے پینے کی اشیاء کی قیمتوں میں رلیف فراہم کرنے کے لیے ہرممکن اقدامات کیے جائیں گے۔ اس سلسلے میں آج کے اجلاس میں اشیاء خوردونوش کی قیمتیں مقرر کی گئی ہیں اجلاس میں 80 گرام روٹی ( چپاتی) کی قیمت 10 روپے۔ 120 گرام تندور والی روٹی کی قیمت 15 روپے، روغنی نان کی قیمت 25 روپے، سادہ

نان کی قیمت 20 روپے مقرر کی گئی ہے، جبکہ مرغی کڑھائی کی قیمت 1800 روپے فی کلو مقرر کی گئی ہے ۔ اسی طرح برف فی کین کی قیمت 350 روپے مقرر کی گئی ہے۔ اس موقعے پر ڈپٹی کمشنر نے ہوٹل ایسوسئیشن کے نمائندگان کو سختی کے ساتھ ہدایات جاری کرتے ہوئے کہا کے آٹے کی قیمتوں میں کمی ہوگئی ہےاس لئے ضلع انتظامیہ کی کوشش ہے کے اس کا عوام کو فائدہ پہنچے اس لیے کہانے پینے کی اشیاء کی جو قیمتیں مقرر کی گئی ہیں ان پر عمل کروایا جائے دوسری صورت میں خلاف ورزی کرنے والوں کے خلاف قانونی کارروائی کی جائے گی، اس موقعے پر ہوٹل انتظامیہ کی جانب سے ڈپٹی کمشنر کو یقین دہانی کروائی گئی کے وہ عوام کو بہرپور رلیف دینے کے لیے اشیاء کی مقرر کردہ قیمتوں پر عمل درآمد کریں گے۔