ننکانہ صاحب نجی ہسپتال میںعطائی ڈاکٹر نے زچگی کا غلط آپریشن کر کے پانچ بچوں کی ماں کی جان لے لی

 ننکانہ صاحب ( بیورورپورٹ ندیم احمد) نجی ہسپتال میںعطائی ڈاکٹر نے زچگی کا غلط آپریشن کر کے پانچ بچوں کی ماں کی جان لے لی، سید والا پولیس کا عطائی کے خلاف کاروائی سے انکار، ورثاءکا ڈپٹی کمشنر ننکانہ صاحب کے دفترکے باہر میت رکھ کر شدید احتجاج، عطائی کے خلاف قتل کا مقدمہ درج کرنے کا مطالبہ تفصیلات کے مطابق نواحی گاو�¿ں مالو آنی کلاں کی رہائشی خاتون پٹھانی بی بی کو سید والا کی کینیڈا کالونی کے ایک نجی ہسپتال میں عطائی غلام مصطفی نے اپنی بیوی اور ایک ساتھی کے ہمراہ بغیر کسی کوالیفائی ڈاکٹر کے ہسپتال چلا رہے ہیں غلام مصطفی فوری طور پر خودہی زچہ کا آپریشن کر ڈالا جس کے باعث اس کی حالت غیر ہوگئی تو اسے الائیڈ ہسپتال فیصل آبادمنتقل کردیا گیا جہاں کئی روز موت و حیات کی کشمکش میں مبتلا رہنے کے بعد خاتون گذشتہ شام چل بسی خاتون چچا امیر علی اور دیگر ورثا ءنے بتایا کہ لڑکی کی طبیعت خراب ہونے پر انہوں نے تھانہ سید والہ اور سی ای او ہیلتھ ننکانہ صاحب کو درخواستیں دی تھیں لیکن کسی درخواست پر بھی ملزمان کے خلاف کوئی کاروائی نہیں ہوئی معلوم ہوا ہے کہ غلام مصطفی نامی شخص عرصہ درازسے کنیڈا کالونی میں غیر قانونی طور پر ہسپتال چلا رہا ہے جہاں پر ہر مرض کا سپیشلسٹ ڈاکٹر اور سرجن بھی خود ہی ہے وہ ڈاکٹر کے ذریعے آپریشن کرانے کا جھانسا دے کر خود ہی آپریشن کرتا ہے ڈپٹی کمشنر محمد تسلیم اختر راﺅنے ورثا ءکو پوسٹ مارٹم کرانے اور ملزمان کے خلاف قانونی کاروائی کرنے کی یقینی دہانی کرائی جس پر ورثا ءنے احتجاج ختم کردیا اور پوسٹ مارٹم کے لیے نعش ڈی ایچ کیو ہسپتال ننکانہ صاحب لے گئے شہریوں نے وزیراعلی پنجاب مریم نواز اور ڈپٹی کمشنر محمد تسلیم اختر راﺅ اور محکمہ صحت سے مطالبہ کیا ہے کہ نہ صرف دیہی علاقوں میںلوگوں کی جانوں سے کھلواڑ کرنے والے عطائیوں کا فوری خاتمہ کیا جائے بلکہ شہری علاقوں میں بڑی تعداد میں عوام کوبے دریغ لوٹنے والے جعلی حکیموں کے خلاف بھی کاروائی کی جائے۔