Admin 
مرکز قومی زبان کے تحت قبا آڈیٹوریم میں عید ملن تقریب کا انعقاد کیا گیا
اس تقریب کے مہمان خصوصی امیر جماعت اسلامی سندھ اور سابق ممبر قومی اسمبلی محمد حسین محنتی صاحب تھے
عید ملن تقریب سے خطاب کرتے ہوئے جناب محمد حسین محنتی صاحب نے فرمایا کہ قائد اعظم رحمت اللہ علیہ نے قیام پاکستان کے بعد اردو زبان کے حوالے سے یہی فیصلہ کیا تھا کہ اردو ہی قومی زبان ہوگی اور اسے سرکاری زبان کا درجہ دیا جائے گا
اس بات کا اعادہ انہوں نے ڈھاکہ میں بھی کیا جہاں کچھ شر پسند لوگ بنگالی زبان کو قومی زبان کا درجہ دینا چاہتے تھے لیکن قائد اعظم نے اس سازش کو پہلے ہی بھانپ لیا تھا اور وہ چاہتے تھے کہ مشرقی اور مغربی پاکستان جو متحدہ پاکستان ہے اس کی ایک ہی قومی اور سرکاری زبان ہونی چاہیے اور اسی کا انہوں نے ہر جگہ عزم کا اظہار کیا
آئین کے تحت بھی اردو کو قومی زبان کا درجہ درجہ دیا جانے کا فیصلہ کیا گیا تھا لیکن ۵٠ سال سے زیادہ گزرنے کے باوجود اردو کو سرکاری زبان کا درجہ نہیں مل سکا
سن ٢٠١۵ء میں جسٹس جواد ایس خواجہ صاحب نے ٨ ستمبر کو تاریخی فیصلہ دیا اور انہوں نے یہ کہا کہ اردو کو سرکاری زبان کی حیثیت سے ١٠ سال کے اندر اندر نافذ کر دیا جائے ۔۔۔ محنتی صاحب نے کہا کہ مرکز قومی زبان کے تحت اردو کے نفاذ اور اس کی ترویج کے لیے جو کوششیں ہو رہی ہیں وہ قابل تحسین ہیں
مرکز قومی زبان کے تحت عید ملن تقریب میں نور الدین نور اور عبداللہ منہاس نے اپنا کلام پیش کیا
اس تقریب سے معتمد اطلاعات جماعت اسلامی سندھ مجاہد چنا، بزم سخن کے منتظم عبید ہاشمی، مرکز قومی زبان کے مرکزی رہنما کلیم علی خان ، سید صبغۃ اللہ ، صوبائی صدر انجینیئر انتصار غوری ، صحافی اور شعبہ تعلیم سندھ کے نائب صدر سعیداحمدصدیقی، اردو اتحاد کے رہنما فہیم برنی ، تحریک تحفظ اردو کے سربراہ علی مرتضی ، ایف آئی او کے رہنما فیضان فاروقی ، کراچی کیمبرج گروپ آف سکولز کے ڈائریکٹر اظفر ولی ، کراچی فیڈریشن آف سکولز کے صدر ڈاکٹر ارشد علی خان و دیگر نے خطاب کیا
