Admin
محراب پور ( رانا ندیم انجم ) چیف سیپکو سکھر،ایکسئین سیپکو نوشہرو فیروز کی ہدایت پر شہرکے مختلف وارڈز میں چوری کی روک تھام کے لئے آٹھ بجلی کے پولز کو فور کور کیبل لگا کر سکیور آئسولیٹ کرنے کے علاوہ سینکڑوں ڈائریکٹ کنشن منقطع کئے گئے ہیں نیز درجنوں بوگس میٹر تحویل میں لیکر لاکھوں روپے جرمانے عائد بھی کئے گئے ٹاسک فورس اور ایس ڈی او سیپکو سب ڈویژن محراب پور اسد اللہ میمن ،لائن سپرنٹینڈنٹ جان محمد کوندھر،ایل ایس شہباز جوکھیو نے سیپکو لائنز مین کے ہمراہ کنڈا کنکشن کے خلاف گرینڈ آپریشن میں سینکڑوں غیر قانونی کنکشن منقطع کرکے بجلی چوروں پر بھاری جرمانے عائد کرنے کے کیساتھ واجبات وصول کئے اس موقع پر ایس ڈی او سیپکو اسد اللہ میمن نے بتایا آٹھ پولز پر لگے درجنوں بوگس میٹر کے علاوہ ڈائرکٹ کنکشن منقطع کرکے بجلی چورں پر بھاری جرمانے عائد کرنے اسکے علاوہ پولز کو سیکیورننگ کرکے آئیسولیٹ کرنے سے بجلی کی چوری نہیں ہوگی گرمی کی شدت بڑھتے ہی بجلی چوروں نے نجی افراد سے ایئر کنڈیشنڈ کے سینکڑوں ڈائریکٹ کنشن لگوائے گئے تھے ان کنکشز کو منقطع کرکے تاریں ضبط کی گئی ہیں بجلی چوروں اور واجباتِ کی ادائیگی کے لئے سیپکو کی جانب سے آپریشن جاری رہے گا۔
