از دفتر ایڈیشنل آئی جی کراچی
02 اپریل 2026
پریس ریلیز
ایڈیشنل آئی جی کراچی آزاد خان کی ہدایات پر شہریوں کو آگاہ کیا جاتا ہے کہ گاڑیوں پر حکومت کی منظور شدہ نمبر پلیٹس کی تنصیب سے متعلق جاری مہم کو شہر میں متوقع بارشوں کے پیش نظر عارضی طور پر مؤخر کر دیا گیا ہے۔
کراچی پولیس کی جانب سے پرائیویٹ، فینسی اور غیر منظور شدہ نمبر پلیٹس کے خلاف جاری کریک ڈاؤن مہم کو وقتی طور پر روکا گیا ہے تاکہ شہریوں کو بارشوں کے دوران کسی قسم کی دشواری کا سامنا نہ کرنا پڑے۔
شہریوں سے گزارش ہے کہ وہ اس دوران اپنی گاڑیوں کی نمبر پلیٹس درست کروا لیں اور صرف سرکاری منظور شدہ نمبر پلیٹس ہی استعمال کریں تاکہ آئندہ شروع ہونے والی مہم کے دوران کسی قانونی کارروائی سے بچا جا سکے۔
کراچی پولیس شہریوں کے ساتھ مکمل تعاون کے لیے ہمہ وقت کوشاں ہے اور قانون کی عملداری کو یقینی بنانے کے لیے پرعزم ہے۔
ترجمان کراچی پولیس
About the Author
