سرگودہا(رپورٹ ڈویژنل بیورو چیف)سرگودھا ریسکیو 1122 کے زیر اہتمام 08 اکتوبر 2005 زلزلہ متاثرین کی کی یاد میں نیشنل ڈیزاسٹر ڈے منایا گیا.
سرگودہا ڈسٹرکٹ ایمرجینسی آفیسر مظہر شاہ نے گفتگو کرتے ہوئے بتایا کہ سیکرٹری ایمرجنسی سروسز ڈاکٹر رضوان نصیر کی خصوصی ہدایت پر نیشنل ڈیزاسٹر ڈے منایا گیا اس موقع پر سیمینار اور ورکشاپس کا انعقاد کیا گیا جس میں ریسکیو اہلکار و افسران سمیت سول سوسائٹی کی بڑی تعداد نے شرکت کی اس دن کو منانے کا مقصد قدرتی آفات سے سے آگاہی سانحات کے شہدا کو خراج عقیدت پیش کرنا اور ان کے خاندانوں کے ساتھ اظہار یکجہتی کرنا ہے اس موقع پر مظہرشاہ کا کہنا تھا کہ بہتر تیاری کے ذریعے قدرتی آفات سے ہونے والے نقصانات کو کم سے کم کیا جا سکتا ہے اور ریسکیو 1122 کسی بھی ایمرجینسی صورتحال سے نمٹنے کے لئے ہمہ وقت تیار ہے۔
