سرگودہا (رپورٹ بیورو)ریڈیو پاکستان سرگودھا ریڈیو پاکستان سرگودہا کے پروگرام “شاہین سرگودہا میں مینیجر ای – خدمت مرکز سرگودھا ثاقب حسن کی خصوصی شرکت — عوامی مسائل کے فوری حل کا یقین دلایا
ریڈیو پاکستان سرگودھا کے مقبول عوامی پروگرام “شاہین سرگودھا” میں مینیجر ای – خدمت مرکز سرگودھا ثاقب حسن نے بطور مہمان شرکت کی۔
پروگرام کے دوران انہوں نے ای – خدمت مرکز سرگودھا کے قیام کی اہمیت اور کارکردگی کے حوالے سے معلوماتی گفتگو کی – پروگرام اینکر ملک قاسم عباس کے ساتھ گفتگو کرتے ہوئے انھوں نے کہا کہ ای – خدمت مرکز ایک ایسا ادارہ ہے جو بغیر کسی واسطے یا ایجنٹ کے شہریوں کو پیدائش سرٹیفکیٹ ب فارم ڈومیسائل سرٹیفکیٹ کمپیوٹرائزڈ نکاح نامہ جائداد کی فرد و نقشہ جات ڈرائیونگ لائسنس و رجسٹریشن ، موت سرٹیفکیٹ اور قومی شناختی کارڈ کارڈ کے حصول میں سہولت فراہم کرتا ہے
دوران پروگرام انھوں نے سامعین کی طرف سے بذریعہ لائیو فون کالز پوچھے گئے سوالوں کے بھی بخوبی جواب دینے اور ان کے مسائل کے حل کے لئے فوری اقدامات کرنے کی یقین دہائی کرائی انھوں نے درج بالا خدمات کے حصول کیلئے حکومت پنجاب کی حال ہی میں شروع ہونے والی سکیم مریم کی دستک سے متعلق بھی سامعین کو آگاہی دی اور گھر بیٹھے اس سہولت سے مستفید ہونے کے طریقہ کار سے متعلق تفصیلی گفتگو کی – پروگرام پروڈیوسر محمد جمشید قادری اور اسٹیشن ڈائریکٹر ملک غلام عباس اعوان بھی اس موقع پر موجود تھے.
About the Author
