حیدرآباد – 17 ستمبر (رپورٹ عمران مشتاق) صوبائی محتسب اعلی سندھ کے ایڈوائیز ر محمد نصیر جمالی کی زیر صدرات آج شہباز ہال شہباز بلڈنگ میں ریجن کے صوبائی اداروں میں زیر التوا کیسز کی پیش رفت کے متعلق ایک اجلاس منعقد ہوا۔اجلاس میں ایڈوائیزر نصیر جمالی نے کہا کہ صوبائی محتسب کا ادارہ سرکاری اداروں سے عوامی شکایات کا جلد اور بروقت نمٹانے اور انصاف فراہم کرنے کے لیے کوشاں ہے۔اجلاس میں ریجن کے مختلف محکموں اور اداروں میں زیر التوا کیسز کی پیش رفت کا تفصیلی جائزہ لیا گیا۔۔اجلاس میں صوبائی محتسب حیدرآباد کو عوام کی جانب سے صوبائی اداروں کے خلاف موصول ہونے والی شکایات کے زیر التوا کیسز کی پیش رفت کے متعلق تمام مذکورہ اداروں نے تفصیلات سے ایڈوائیزر نصیر جمالی کو آگاہ کیا۔انہوں نے مزید کہا کہ عوامی مسائل کی نوعیت کے کیسز کو فوری طور پر حل کیا جائے اور تاخیر کی وجوہات بننے والی پیچیدگیوں کو واضح کر کے آئندہ ایسی رکاوٹوں کے سدباب کے لیے عملی اقدامات کیے جائیں۔ انہوں نے واضح کیا کہ سرکاری ادارے عوام کی سہولت اور مسائل کے حل کے لیے قائم ہیں، اس لیے تمام محکمے اپنے فرائض پوری ذمہ داری سے ادا کریں۔ایڈوائرر نے مزید کہا کہ محکمے اپنی کارکردگی میں زیر التوا کیسز کی رپورٹ باقاعدگی سے جمع کرائیں تاکہ آئندہ تین ماہ بعد ہونے والے اجلاسوں میں شفافیت اور جوابدہی کو یقینی بنایا جا سکے۔انہوں نے مزید کہا کہ ہر ادارے کا فوکل پرسن کم سے کم 17 گریڈ کا ہونا چاہیے جسے اپنے ادارے متعلق بہتر طریقے سے معلومات ہو-اجلاس میںریجنل ڈائریکٹر صوبائی محتسب حیدرآباد سید محمد سجاد حیدر نے زیر التوا کیسز بالخصو ص ریٹائرڈ ہونے والے ملازمین کی پینشن اور دیگر معاملات کے فوری حل کویقینی بنانے کی ضرورت پر زور دیااورجلد اور بروقت عوامی شکایات کونمٹانے سے نا صرف عوام کا اعتماد بحال ہوگا بلکہ سرکاری اداروں کی کارکردگی میں بھی بہتری آئے گی۔ انہوں نے تمام محکمے کو ہدایت کی کہ باہمی رابطے کے ذریعے سرکاری اداروں میں عوامی شکایات اور مشکلات کو دور کرنے کے لیے کام کریں تاکہ شہریوں کو بروقت ریلیف فراہم کیا جا سکے۔ اجلاس میں لوکل گورنمنٹ ڈیپارٹمنٹ، حیدرآباد واٹر اینڈ سیوریج کارپوریشن، سندھ بلڈنگ کنٹرول اتھارٹی، ڈسٹرکٹ اکاو¿نٹس آفس، حیدرآباد ڈویلپمنٹ اتھارٹی، سندھ سالڈ ویسٹ مینجمنٹ، میونسپل آفس کے نمائندہ ،ڈسٹرکٹ ایجوکیشن آفیسر (پرائمری)، ڈسٹرکٹ ایجوکیشن آفیسر (ایلیمنٹری، سیکنڈری و ہائر سیکنڈری)، ڈسٹرکٹ ہیلتھ آفیسر اور ڈسٹرکٹ آفیسر زکوة و عشر موجود تھے-
About the Author
