(رپورٹ ای این آئی)12 اکتوبر کو یکجہتی غزہ مارچ میں زیادہ سے زیادہ خواتین شرکت کر کے اقوام عالم تک اپنی آواز پہنچائیں ۔ حسینہ کاشف
پ۔ ر (پشاور )
حلقہ خواتین جماعت اسلامی خیبر پختونخوا حلقہ وسطی کی ناظمہ حسینہ کاشف نے کہا کہ جماعت اسلامی کے زیر اہتمام 12 اکتوبر کو پشاور میں کبوتر چوک رنگ روڈ پر ایک عظیم الشان ملین مارچ برائے یکجہتیِ فلسطین منعقد ہو رہا ہے،یہ مارچ اسرائیلی جارحیت کے دو سال مکمل ہونے کے موقع پر مظلوم اہلِ غزہ سے اظہارِ یکجہتی کے لیے منعقد کیا جا رہا ہے۔
انہوں نے مزید کہا کہ اس مارچ میں خواتین اور بچے بھرپور شرکت کریں کیونکہ یہ صرف ایک اجتماع نہیں بلکہ ا ظلم کے خلاف، اور انسانیت کے ساتھ ایک مؤقف ہے ۔
حسینہ کاشف نے حلقہ وسطی کی تمام خواتین سے اپیل کی کہ وہ بڑی تعداد میں اس پروگرام میں شرکت کریں اور دنیا کو دکھائیں کہ پشاور کی خواتین غزہ کی مظلوم ماؤں، بہنوں اور بچوں کے ساتھ کھڑی ہیں۔
انہوں نے کہا کہ یہ ہمارا کم سے کم فریضہ ہے کہ ہم اپنی موجودگی سے یہ ثابت کریں کہ ہم ظلم کے خلاف اور حق کے ساتھ ہیں۔