گجرات (شاہد بیگ سے)اسسٹنٹ کمشنر گجرات بلال زبیر نے سیکریٹری ریجنل ٹرانسپورٹ اتھارٹی گجرات صدام حسین، چیف آفیسر میونسپل کمیٹی جلالپور جٹاں مشرف بیگ اور دیگر متعلقہ افسران کے ہمراہ وزیرِاعلیٰ پنجاب کی جانب سے دسمبر 2025ء میں شروع ہونے والی الیکٹرک بس سروس کے لیے الیکٹرک بس سٹاپس، مجوزہ روٹس اور مقامات کا تفصیلی دورہ کیا۔
دورے کے دوران 28 الیکٹرک بسوں کے لئے بس اسٹاپس کی تعمیر کے لیے مجوزہ مقامات کا جائزہ لیا گیا۔
اسسٹنٹ کمشنر نے متعلقہ محکموں کو ہدایت کی کہ بس اسٹاپس کی تعمیر اور ضروری سہولیات کی فراہمی کے حوالے سے کام جلد از جلد مکمل کیا جائے۔
انہوں نے مزید کہا کہ الیکٹرک بس سروس کا مقصد شہریوں کو صاف، جدید اور ماحول دوست سفری سہولت فراہم کرنا ہے۔ ضلع گجرات کے لئے نئی 28 الیکٹرک بسوں کی سروس کا آغاز دسمبر سے کیا جا رہا ہے۔
About the Author
