منڈی بہاءالدین،15جولائی 2025( میاں شریف زاہد )صوبائی سیکرٹری زکوة و عشر پنجاب کی ہدایت کی روشنی میں ضلع منڈی بہاوالدین میں زکوة ڈے منایا گیا۔ اسی سلسلے میں ڈسٹرکٹ زکوة آفیسر کی زیرنگرانی آڈٹ آفیسر مدثر رفیق نے شہر کی مختلف کاروباری شخصیات اور صاحب حیثیت لوگوں سے ملاقات کی۔ ڈسٹرکٹ زکوة آفیسر معوذ ملک نے بتایا کہ محکمہ زکوة و عشر پنجاب کے زیر اہتمام بیوگان ، مساکین معذورافراد اور غرباءکو گزارہ الاونس کی مد میں زکوة کی ادائیگی کی جاتی ہے۔ گزارہ الاونس کی ادائیگی صاف شفاف انداز میں میرٹ پر بزریعہ برانچ لیس، بینکنگ اور بعد از بائیو میٹرک کی جاتی ہے۔ انہوں نے مزید بتایا کہ فنی تربیت کے ادارہ جات، سرکاری کالجز و یونیورسٹیز اور دینی مدارس میں زیر تعلیم مستحق زکوة طلباءکو زکوة فنڈ سے وظائف کی صورت میں ادائیگی کی جاتی ہے جبکہ سرکاری ہسپتالوں کے ذریعے مستحق زکوة مریضوں کو مفت ادویات فراہم کی جاتی ہیں۔ڈسٹرکٹ زکوة آفیسر نے دفتری و فیلڈ سٹاف کو ہدایت کی کہ وہ اپنے علاقہ جات کے معززین اورتاجران سے ملاقات کر کے ان کو زکوةبارے آگاہی فراہم کریں۔انہوں نے شہر کی مختلف کاروباری شخصیات سے ملاقات کے دوران اپیل کی کہ وہ اپنی زکوة محکمہ زکوة و عشر پنجاب کے بنک آف پنجاب کے اکاونٹ نمبر PK20BPUN 6010046987300013 یا مسلم کمرشل بنک کے اکاونٹ نمبر PK52MUCB 0736876331001823 میں جمع کروائیں تاکہ محکمہ زکوة و عشر کی سکیموں کو مزید بہتر انداز میں چلایا جا سکے اور مستحق افراد کی بہتر طریقے سے کفالت ہو سکے۔
