( رپورٹ عمران مشتاق)
حیدرآباد جی سی یونیورسٹی حیدرآباد میں بیچلر ڈگری پروگرام ۲۰۲۶ کے لیے پری انٹری ٹیسٹ
حیدرآباد (8 اکتوبر 2025): جی سی یونیورسٹی حیدرآباد میں بیچلر ڈگری پروگرامز کے داخلے کے لیے پری انٹری ٹیسٹ 8 اکتوبر سے شروع ہوگئے ہیں، جو 11 اکتوبر تک جاری رہیں گے۔
کُل 3,377 امیدوار اس کمپیوٹر بیسڈ ٹیسٹ میں شرکت کر رہے ہیں، جو یونیورسٹی کے مرکزی کیمپس کی کمپیوٹر لیبارٹریز میں منعقد کیا جا رہا ہے۔
پری انٹری ٹیسٹ کے پہلے دن کا مرحلہ کامیابی کے ساتھ مکمل ہوا۔
امتحانی عمل بخوبی اور شفاف طریقے سے جاری رہا، اور طلبہ کی بڑی تعداد نے اساتذہ و عملے کی نگرانی میں ٹیسٹ دی۔
جامعہ کے وائیس چانسلر پروفیسر ڈاکٹر امجد علی آرائیں نے سینیئر فکلٹی و افسران کے ہمراہ امتحانی مراکز کا دورہ کیا۔
اس موقع پر وائیس چانسلر نے کہا کہ داخلے مکمل طور پر میرٹ کی بنیاد پر دیے جائیں گے۔
انہوں نے طلبہ پر زور دیا کہ وہ اپنی بہترین علمی صلاحیتوں کا مظاہرہ کریں۔
وائیس چانسلر نے مزید کہا کہ جدید ٹیکنالوجی اور کمپیوٹر بیسڈ ٹیسٹنگ کے ذريعے شفافیت کے ساتھ تمام امیدواروں کے لیے برابر مواقع یقینی بنائے جا رہے ہیں۔
About the Author
