حیدرآباد(رپورٹ عمران مشتاق)حیدرآباد پولیس کی بڑی کامیابی — کاریں اور موٹر بائیکس ریکور بعد مالکان کو حوالے
ایس ایس پی حیدرآباد عدیل حسین چانڈیو کی ہدایت پر پولیس کی کارروائیاں جاری ہیں۔ گزشتہ کارروائیوں کے دوران اے سیکشن نے شاندار کارروائی میں 9 کاریں بازیاب کیں، جبکہ ایس ایچ او نسیم نگر اور دیگر تھانوں نے مشترکہ طور پر متعدد کاریں اور موٹر بائیکس برآمد کیں۔
اس موقع پر ایس ایس پی حیدرآباد کے دفتر میں ایک تقریب کے دوران چوری شدہ 12 کاریں اور 14 موٹر بائیکس اصل مالکان کے حوالے کی گئیں۔ مالکان نے اپنی قیمتی سواری واپس ملنے پر ایس ایس پی حیدرآباد اور متعلقہ پولیس ٹیم کا دل کی گہرائیوں سے شکریہ ادا کیا اور کہا کہ پولیس کی یہ کوششیں عوامی اعتماد بحال کرنے میں معاون ہیں۔
مزید برآمد شدہ گاڑیوں اور بائیکس کے بارے میں تفتیش جاری ہے تاکہ ان کے حقیقی مالکان کی تصدیق کے بعد انہیں باقاعدہ طور پر حوالہ کیا جا سکے۔
ایس ایس پی عدیل حسین چانڈیو نے کہا کہ شہریوں کے جان و مال کے تحفظ کے لیے ایسی کارروائیاں بلا تعطل جاری رہیں گی اور فرار ملزمان و دیگر ملوث افراد کی گرفتاری کے لیے مزید اقدامات کیے جا رہے ہیں۔
About the Author
