ملک کو ترقی کی جانب گامزن کرنے کیلئے سود سے پاک معاشی پالیسیاں بنائی جائیں،سربراہ پاکستان سنی تحریک محمدشاداب رضا نقشبندی
سود کی لعنت کو ختم کرنے کیلئے حکومت، اعلیٰ عدلیہ کو اسلامی نظریاتی کونسل کی طرح کردارادا کرنا ہوگا،شاداب رضا نقشبندی
ملک سے سودی نظام کا مکمل خاتمہ چاہتے ہیں سود پر قرضے لینا اور دینا اللہ کے عذاب کو دعوت دینے کے مترادف ہے،شاداب رضا نقشبندی
عوام کو مہنگائی کی دلدل سے نکالنے کی بجائے نت نئے ٹیکسز کی بوچھاڑ جمہوری قدروں کے منافی عمل ہے،شاداب رضا نقشبندی
غریب عوام کے حقوق کیلئے آواز بلند کرتے رہینگے،پکستان کو مضبوط ومستحکم دیکھنا چاہتے ہیں،شاداب رضا نقشبندی
حکومت کو چاہیے کہ وہ بھی غریبوں کے مسائل کو ترجیعی بنیادوں پر حل کرئے اور مہنگائی کو کنٹرول کرنے کیلئے اقدامات کرئے،شاداب رضا نقشبندی
کراچی ( ) سربراہ پاکستان سنی تحریک محمدشاداب رضا نقشبندی نے کہا ہے کہ ملک کو ترقی کی جانب گامزن کرنے کیلئے سود سے پاک معاشی پالیسیاں بنائی جائیں،سود کی لعنت کو ختم کرنے کیلئے حکومت، اعلیٰ عدلیہ کو شرعی عدالت کی طرح کردارادا کرنا ہوگا،ملک سے سودی نظام کا مکمل خاتمہ چاہتے ہیں،سود پر قرضے لینا اور دینا اللہ کے عذاب کو دعوت دینے کے مترادف ہے،ملک کو ٹیکسز مافیاز کے حوالے کرکے غریبوں کا خون وپسینہ نچوڑا جارہا ہے،حکومت ہر طریقے سے غریب سے جینے کا حق چھینے پر گامزن نظر آرہی ہے،عوام کو مہنگائی کی دلدل سے نکالنے کی بجائے نت نئے ٹیکسز کی بوچھاڑ جمہوری قدروں کے منافی عمل ہے،عوام کو ریلیف دینے کی حکومتی سوچ لگتا ہے ختم ہوگئی ہے، غربت کو ختم کرنے کی بجائے غریب کو ختم کرنے پالیسیاں مرتب کی جارہی ہیں،عوام کو جمہوری وآئینی حقوق سے محروم کرنا حکومت بتائے کس زمرے میں آتا ہے،ملک میں آزاد کشمیر جیسے حالات پیدا کئے جارہے ہیں،آزاد کشمیر کے عوام نے اپنی جدوجہد سے مطالبات منوائے پاکستان کے عوام کو اپنے حقوق کے حصول کیلئے اُٹھ کھڑے ہوں،پاکستان سنی تحریک غریبوں،کسانوں،مزدوروں اور تاجروں کے حقوق کیلئے ان کے شانہ بشانہ کھڑی ہوگی،ن خیالات کا اظہار انہوں نے مرکز اہلسنت سے جاری ایک بیان میں کیا،محمد شاداب رضا نقشبندی کا کہنا تھا کہ جمہوریت کو مضبوط کرنا ہے تو غریبوں کو ریلیف اور مہنگائی کو ختم کرنا ہوگا،پوری دنیا میں بجلی وگیس اور پیٹرول پاکستان میں سب سے زیادہ نرخوں پر فروخت ہورہے ہیں،حکومت ایسے فیصلوں سے اجتناب کرئے جس سے غریبوں کو شدید معاشی مشکلات کا سامناکرنا پڑتا ہے،انہوں کا کہنا تھا کہ غریب عوام کے حقوق کیلئے آواز بلند کرتے رہینگے،پاکستان کو مضبوط ومستحکم دیکھنا چاہتے ہیں،حکومت کو چاہیے کہ وہ بھی غریبوں کے مسائل کو ترجیعی بنیادوں پر حل کرکئے اور مہنگائی کو کنٹرول کرنے کیلئے اقدامات کرئے،حکومت کے معاشی استحکام اور غریبوں کو ریلیف دینے جسیے مثبت فیصلوں کا بھرپور ساتھ دینگے۔
