ننکانہ صاحب( بیورورپورٹ) لاہور لیڈز یونیورسٹی میں شعبہ ابلاغ عامہ کے زیر اہتمام “میڈیا اخلاقیات اور قانون” کے عنوان سے ایک معلوماتی سیمینار کا انعقاد کیا گیا۔ مہمان مقرر پاکستان الیکٹرانک میڈیا اتھارٹی (پیمرا) کے ڈائریکٹر جنرل ایم اکرام برکت تھے, لاہور لیڈز یونیورسٹی کے چیئرمین میاں ظہور وٹو، ایگزیکٹو ڈائریکٹر حمزہ ظہور وٹو، وائس چانسلر پروفیسر ڈاکٹر ندیم بھٹی، سوشل سائنسز کے ڈین پروفیسر ڈاکٹر رفاقت علی اکبر، اور بزنس ایڈمنسٹریشن کے ڈین پروفیسر ڈاکٹر احسان ملک نے ڈائریکٹر جنرل ایم اکرام برکت ka پرتپاک استقبال کیا۔سیمینار کے دوران معزز مہمان نے میڈیا کوڈ آف کنڈکٹ 2015 پر گفتگو کی اور mis information and disinformation پھیلانے سے متعلق قوانین کے ساتھ ساتھ پاکستان پینل کوڈ میں میڈیا کے متعلقہ قوانین کی وضاحت کی۔ انہوں نے روشنی ڈالی کہ اخلاقیات مذہب، زبان، قانون، ثقافت، رسم و رواج اور اقدار جیسے عوامل سے متاثر ہوتی ہیں، ڈی جی پیمرا نے پیمرا آرڈیننس کے سیکشن 20 کی اہمیت پر زور دیا، جس میں حادثات کی رپورٹنگ، جنسی زیادتی کے واقعات، مذہبی رواداری، ہم آہنگی اور افراد کی عزت جیسے موضوعات شامل ہیں۔ انہوں نے صحافیوں کو مشورہ دیا کہ وہ آرڈیننس کے آرٹیکل 13 اور 14 سے آگاہ رہیں اور اپنی رپورٹنگ میں ایمانداری اور ذمہ داری کا مظاہرہ کریں۔معزز مہمان مقرر نے لاہور لیڈز یونیورسٹی کے طلبائ کی حوصلہ افزائی کی کہ وہ اپنی صلاحیتوں کو پہچانیں اور اپنے مستقبل کے کیریئر کے لیے اپنے علم اور صلاحیتوں میں اضافہ کریں۔ وائس چانسلر، پروفیسر ڈاکٹر ندیم بھٹی نے میڈیا قوانین اور اخلاقیات کے بارے میں بصیرت کا اظہار کیا، اس بات پر زور دیتے ہوئے کہ آج کے تناظر میں، علم کے علاوہ وضاحت ایک طاقتور اثاثہ ہے، اور انہوں نے خبروں کی صداقت کو یقینی بنانے کی اہمیت پر زور دیا, ڈین آف سوشل سائنسز، پروفیسر ڈاکٹر رفاقت علی اکبر نے میڈیا کے طلباءکے لیے اخلاقیات کے ضابطہ اخلاق کی اہمیت پر زور دیا کہ وہ اپنی پیشہ ورانہ اور ذاتی زندگی دونوں میں نافذ کریں۔ شعبہ ابلاغ عامہ کی چیئرپرسن ڈاکٹر ہلال فاطمہ نے ڈی جی پیمرا، وائس چانسلر اور ڈین آف سوشل سائنسز کا شکریہ ادا کرتے ہوئے سیشن کو سمیٹا۔
