ننکانہ صاحب (بیورورپورٹ) مشیر وزیر اعلی پنجاب راشد اقبال نے گوردوارہ جنم استھان کا دورہ کیا۔ مشیر وزیر اعلی پنجاب نے سکھ قوم کو بابا گرونانک کے جنم دن کی مبارکباد دی۔ مشیر وزیر اعلی پنجاب نے سکھ یاتریوں کے لیے کیے جانے والے انتظامات کا جائزہ لیا۔ مشیر وزیر اعلی پنجاب راشد اقبال نے انتظامات پر اطمینان کا اظہار کیا۔ مشیر وزیراعلی پنجاب راشد اقبال کا کہنا تھا کہ وزیر اعلی پنجاب مریم نواز شریف کی خصوصی ہدایت پر بابا گورونانک کے جنم دن پر مثالی انتظامات کیے گئے ہیں۔ حکومت پنجاب نے سکھ یاتریوں کے لیے رہائش، خوراک سمیت سیکورٹی کے فول پروف انتطامات کیے ہیں۔ بابا گورونانک کا پیغام محبت ، امن اور بھائی چارے کا درس دیتا ہے۔ انھوں نے مزید کہا کہ دنیا بھر سے آنے والے سکھ یاتری اپنی مذہبی رسومات بغیر کسی رکاوٹ کے ادا کر رہے ہیں۔ پاکستان میں بسنے والی تمام اقلیتیں یہاں پر مکمل محفوظ اور آزاد ہیں۔ باباگورونانک کا پیغام امن و محبت،صلح و آشتی اور نیکی کا پیغام ہے جسے آگے بڑھانے کی ضرورت ہے۔ پاکستان سکھوں سمیت دنیا بھر کے مذاہب اور عقائد کے پیروکاروں کے لیے محبت اور احترام کے جذبات رکھتا ہے۔ بابا جی کے جنم دن کی تقریبات میں شرکت کرنے والے یاتری ہماری مہمان نوازی اور محبتوں کو کبھی نہیں بھلا پائیں گے۔ ڈپٹی کمشنر محمد تسلیم اختر راو ، اسسٹنٹ کمشنرز سمیت دیگر افسران بھی ہمراہ تھے۔
About the Author
