کراچی: بینک کی جانب سے بینک صارفین کی شکایات کو رفع کرنے کیلئے مدت میں 15 دن کی کمی کردی ہے۔ قبل ازیں شکایت کنندگان کی شکایات کا حل بینکنگ کمپنیز آرڈیننس،1962کے تحت بینکوں کو 45 دن میں کرنا ہوتا تھا۔ یہ مدّت کم کر کے اب 30 دن کر دی گئی ہے
شکایت کنندگان متعلقہ بینک کے جواب سے مطمئن نہ ہونے کی صورت میں وہ 30 دن کے اندر اندر اپنی شکایات کے ازالے کے لیے بینکنگ محتسب پاکستان سے رجوع کر سکتے ہیں۔
بینکنگ کمپنیز آرڈیننس، 1962سیکشن (D) 82 کی ذیلی دفعہ (2) میں کی گئی ترمیم مندرجہ ذیل ہے :
” (2) شکایت کرنے سے پہلے، شکایت کنندہ متعلقہ بینکنگ کمپنی سے اپنی شکایت کا ازالہ کرنے کی درخواست کرے گا اور اگر بینکنگ کمپنی جواب دینے میں ناکام رہتی ہے یا تیس دن کے اندر شکایت کنندہ کو غیر تسلی بخش جواب دیتی ہے، توشکایت کنندہ بینک کے خلاف کسی بھی وقت تیس دن کی مدّت کے اندر شکایت درج کرا سکتا ہے۔
بصورتِ دیگر، بینکنگ محتسب اگر مطمئن ہو کہ شکایت درج کرنے میں تاخیر کی وجوہات معقول ہیں، تو تاخیر کو درگزرکر کےشکایت پر غور کیا جا سکتا ہے۔”
بینکنگ کمپنیز آرڈیننس ، 1962کےسیکشن (D)82 کی گئی اس ترمیم کو
Extra Ordinary Gazette of Pakistan
میں شائع کیا گیا ہے۔
