کراچی، 3 دسمبر، 2024: پاکستان اسٹاک ایکسچینج (پی ایس ایکس) نے پاکستان کی جانب سے منصوبہ بندی، ترقی اور خصوصی اقدامات کے وفاقی وزیر جناب احسن اقبال کا باضابطہ استقبال کرنے کے لیے ایک خصوصی گونگ تقریب کا انعقاد کیا۔
وفاقی وزیر نے پی ایس ایکس کی چیئرپرسن ڈاکٹر شمشاد اختر، پی ایس ایکس کے ایم ڈی اور سی ای او جناب فرخ ایچ سبزواری، پی ایس ایکس بورڈ ممبران، پی ایس ایکس مینجمنٹ، سینئر بینکرز، کیپٹل مارکیٹ کے اراکین، کی موجودگی میں تجارتی دن کا آغاز کیا۔
پاکستان اسٹاک ایکسچینج کی چیئرپرسن ڈاکٹر شمشاد اختر نے معزز مہمانوں کا خیرمقدم کرتے ہوئے کہا کہ احسن اقبال اقوام متحدہ میں ترقی پذیر ممالک کے لیے آواز بنے ہوئے ہیں، انہوں نے عالمی اور قومی اقتصادی ترقی میں وفاقی وزیر کے کردار کو سراہا۔ انہوں نے کہا کہ پاکستان اسٹاک ایکسچینج خطے اور دنیا کی بہترین کارکردگی کا مظاہرہ کرنے والی مارکیٹوں میں سے ایک ہے، جو مضبوط اقتصادی اشاریوں اور پالیسیوں سے کارفرما ہے۔
ڈاکٹر اختر نے ٹارگٹڈ پروگراموں کے ذریعے مارکیٹ کی نمو کو فروغ دینے میں حکومت کے کردار پر زور دیا۔ انہوں نے کہا، “گزشتہ ہفتے 100,000 پوائنٹس کو عبور کرنے سے مارکیٹ میں ایک نیا جوش آیا،” انہوں نے مزید کہا کہ پی ایس ایکس کی طویل مدتی ترقیاتی منصوبوں کی مالی معاونت کی صلاحیت اسے پاکستان کے معاشی مستقبل کے لیے ایک اہم اثاثہ بناتی ہے۔ مارکیٹ کی کارکردگی پر غور کرتے ہوئے، ڈاکٹر اختر نے نشاندہی کی کہ PSX نے پچھلے پانچ سالوں میں ڈالر کے لحاظ سے 7% منافع دیا ہے۔ انہوں نے ایکسچینج کی ترقی کے سفر میں تعاون کے لیے چینی کنسورشیم کے ساتھ شراکت داری کی اہمیت کو بھی اجاگر کیا، اس بات پر زور دیتے ہوئے کہ KSE-100 انڈیکس میں 100,000 پوائنٹس کا سنگ میل عبور کرنا دنیا کے سامنے پاکستان کی صلاحیت کو اجاگر کرتا ہے۔
تقریب میں مہمان خصوصی کے طور پر جناب احسن اقبال نے پاکستان کی اقتصادی ترقی میں کیپٹل مارکیٹ کے اہم کردار کا اعتراف کیا۔
جناب احسن اقبال نے اجتماع سے خطاب کرتے ہوئے وزیر اعظم پاکستان جناب شہباز شریف کی جانب سے PSX کے بورڈ اور انتظامیہ کو مبارکباد پیش کی اور اس کامیابی پر اپنے خیالات کا اظہار کیا: “100-انڈیکس میں 100,000 کا ہندسہ عبور کرنا دنیا کے سامنے پاکستان کی صلاحیت کو ظاہر کرتا ہے۔ وفاقی حکومت ان اقدامات کی حمایت کے لیے پرعزم ہے جو کیپٹل مارکیٹ کو مضبوط بناتے ہیں اور پائیدار اقتصادی ترقی میں حصہ ڈالتے ہیں۔”
ملک کے حالیہ مسائل کے بارے میں بات کرتے ہوئے، جناب احسن اقبال نے کہا، “اپریل 2022 میں جب ہم نے اقتدار سنبھالا تو پاکستان معاشی طور پر تباہی کے قریب تھا۔ ہمیں سیاست بچانے یا ملک بچانے میں سے کسی ایک کا انتخاب کرنا تھا۔” انہوں نے وضاحت کی کہ توانائی کی قیمتوں میں اضافے اور انتخابات کو ملتوی کرنے جیسے سخت فیصلوں سے معیشت کو مستحکم کرنے میں مدد ملی۔
“مہنگائی دو سالوں میں 38% سے کم ہو کر 5% سے نیچے آ گئی ہے، اور سٹاک مارکیٹ 30,000 سے 100,000 پوائنٹس تک بڑھ گئی ہے،” انہوں نے پی ایس ایکس کو عالمی سطح پر کامیاب ترین مارکیٹوں میں سے ایک کے طور پر اجاگر کرتے ہوئے کہا۔
تقریب سے خطاب کرتے ہوئے، PSX کے MD/CEO، جناب فرخ ایچ سبزواری نے کہا، “پاکستان اسٹاک ایکسچینج میں منصوبہ بندی، ترقی اور خصوصی اقدامات کے وفاقی وزیر جناب احسن اقبال کا استقبال کرنا ، اس کامیابی کے جشن کے موقع پر ، اعزاز کی بات ہے۔ KSE-100 انڈیکس کا 100,000 پوائنٹس کو عبور کرنا مارکیٹ کے کھلاڑیوں اور اسٹیک ہولڈرز کی محنت اور اعتماد کو ظاہر کرتا ہے۔ ہمیں مزید سرمایہ کاروں کو راغب کرنے، مزید کمپنیوں کی لسٹنگ اور پاکستان اسٹاک ایکسچینج کو حقیقی معنوں میں ملکی معیشت کی عکاسی کرنے پر کام کرنا چاہیے۔
گونگ کی تقریب میں بروکریج ہاؤسز، اثاثہ جات کی انتظامی )(ایسٹ منیجمنٹ کمپنیوں) کمپنیوں اور سینئر بینکرز کے نمایاں نمائندوں نے شرکت کی۔ یہ تقریب اس اہم سنگ میل کو حاصل کرنے میں تمام اسٹیک ہولڈرز کی کوششوں کو تسلیم کرنے کا ایک موقع بھی تھا۔
