ننکانہ صاحب (بیورورپورٹ) ضلعی ہیڈ کوارٹرز پنجاب ایمرجنسی سروس ریسکیو1122 ننکانہ صاحب میںماہانہ کارکردگی کے حوالے سے اجلاس منعقد ہوا جس کی صدارت ڈسٹرکٹ ایمرجنسی آ فیسر محمد اکرم پنوار نے کی جس میں کنٹرول روم انچارج محمد نوید، ریسکیو سیفٹی آفیسرعلی عمران،اسٹیشن کوارڈینیٹر محمد فہد امین،میڈیا کوارڈینیٹر علی اکبر اور تمام ریسکیو آفیسرزنے شرکت کی۔ اجلاس میںکنٹرول روم انچارج محمد نوید نے ڈسٹرکٹ ایمرجنسی آفیسر محمد اکرم پنوار ©کو بریفنگ دیتے ہوئے بتایاپنجاب ایمرجنسی سروس ریسکیو1122ننکانہ صاحب کونومبر میں 9313کالز موصول ہوئیں جن میں2849ایمرجنسی کالز تھیں ۔2849 موصول ہونے والی ایمرجنسیز کالز میں سے712سڑک کے حادثات،1723میڈیکل ایمرجنسیز35,آگ لگنے کے واقعات ،46لڑائی جھگڑوں کے واقعات،5عمارتوں کے منہدم اور328دیگر نوعیت کی ایمرجنسیز تھیں مزید براں ریسکیو 1122ننکانہ صاحب نے اوسطاََ7منٹس ریسپانس ٹائم برقرار رکھتے ہوئے2849ایمرجنسیز میں2812متاثرین کو ریسکیو کیا جن میں989زخمیوں کو موقع پر طبی امداد دی گئی جبکہ1744متاثرین کو طبی امداد دینے کے بعد مختلف ہسپتالوں میںمنتقل کر دیا گیا اور ان حادثات کے دوران79متاثرین جان سے گئے ۔اس کے علاوہ ضلعی سطح پر علاج کی سہولیات میسر نہ ہونے کیوجہ سے ڈاکٹرز نے229مریضوں کو ریفر کر دیاجنہیںریسکیو1122ننکانہ صاحب کی پیشنٹ ٹرانسفر سروس کے ذریعے لاہور اور فیصل آباد کے ہسپتالوں میںبلا معاوضہ اور بحفاظت منتقل کیا۔اس موقع پر ڈسٹرکٹ ایمرجنسی آفیسر محمد اکرم پنوار ©نے کہا حالیہ موسم سرما میں زیادہ تر حادثات گیس لیکیج کے باعث پیش آتے ہیں انہوں نے عوام الناس سے اپیل کی ہے کہ گیس سے متعلقہ آلات اور انگیٹھی کے استعمال میں احتیاط لازمی ہے اوررات کو سوتے ہوئے گیس ہیٹر کو لازمی بند کریںاور گیس کے حفاظتی والو کو offکر دیں گھر میں گیس لیکیج محسوس ہونے پر تمام دروازے اور کھڑکیاں کھول دیں اور اہل خانہ محفوظ جگہ پر چلے جائیں۔بجلی سے چلنے والے پنکھے اور لائٹ کو ہرگز نہ چلائیں وگرنہ سپارک کیوجہ سے دھماکہ ہو گا اور خطرناک نتائج کا موجب بنے گا۔
About the Author
